【甘屋藏料/甘甘仔】執筆之時,筆者心情忐忑不安,眼見青年戰友們繼續抗爭,為公義發聲,同時亦見到有人盲目撐。年輕的,為自己及下一代為發聲,年老的既得利益者,就圍繞著自己利益抗辯。喺七一賽事日,開出來的賽果真叫人興奮,雖然沒有叻哥同叻嫂咁勁,但小弟亦幸運地中了一條QQP 3X7過關,今季打後四次賽事,希望繼續行好運。
今次賽日心水為第四場「加州更好」,馬兒雖然一直未有好成績,但經過接近一季減分,終降落四班作賽,對手的確比之前弱了很多,而且今次更強配雷神上陣,有望突破。「精神威」上仗初出用上潘頓一出即勝,勝後加7分仍可在原班出戰,在班次上仍然有利,三甲穩陣。「燈胆精英」上仗大熱倒灶,唔多唔少都關10磅仔未成熟所致,今仗換人上陣,有望補中。「你知我意」這匹前告達理馬匹,試過好多方法都未能贏,不過相信丁冠豪總有方法搞得掂,一於繼續追作三四重彩配腳。 |
您可能有興趣:
|