2019年 09月 23日
星期一
   | 氣 溫 : 27 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

肥仔 1200米最強
發佈日期 : 2019-08-21


「肥仔」從前由呂健威同霍利時養過,呢匹馬老到8歲嘞,都走去支持韋達,呢位馬主確係幾長情,就嚟到第五個馬季,一來,隻馬未退,二來,肯以行動撐韋達,不枉多年嗰份關係,有冇可能贏馬交代,好睇隻馬退咗幾多,因為有番咁嘅年紀,唔係想點就點,好在上季冇咩表現,個分落番好多,以呢匹自購馬昔日嘅短途能力,喺四班應該有啲牙力。
過去咁多年以嚟,「肥仔」跑過好幾項路程,其中以沙田草地1200米佔大多數,一共有十八場,攞到3冠1亞2季,另外佢喺谷草1200米錄得1亞3季,其餘跑過嘅路程一概不入三甲,路程性能一目了然,唔可能再有咩轉變,而韋達騎咗呢匹馬咁多年,又點會唔比我哋更加清楚吖,所以估計今季都會集中跑田谷草1200米。
雖然此馬上季跑完6月嗰場隻腳有事,要提早放暑假,但係轉馬房後好快做得嘢,隻腳應該冇大礙,最近仲一課接一課快跳,操到火紅火綠,依近期嗰套準備,相信好快會派上戰線,至於呢匹老馬復出掂唔掂,我哋好快會知。

您可能有興趣:


首頁