2024年 03月 29日
星期五
   | 氣 溫 : 24 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

韻妙星強配搏殺
發佈日期 : 2019-09-18


[桐言桐語/B女]轉眼間馬季都已經開始咗一段時間,唔知大家到目前為止收穫得豐盛嗎?前幾日同朋友食飯,講起今季跑馬地嚟緊就跑二次,而我喺今季跑馬地賽日都仲未入過馬場,所以我決定咗啦,今個賽日同好友準備入去搵吓錢,之後食返餐好嘅,吾知當日會吾會撞到相熟嘅好朋友呢?


第三場四班1650米,呢場我心水係匹「韻妙星」,講返上個禮拜先,呢匹馬喺跑馬地開鑼嗰日已經跑過,佢當日係三班出賽,然後輸咗比跑第二嘅「任我行」只不過係三個馬位,雖然呢匹馬從來未喺谷草贏過頭馬,但係睇返佢上季係三班上名嗰仗只不過係輸比「紅運戰士」,證明佢喺谷草嘅性能都唔係差,今次佢係四班匆匆出賽,再強配潘頓,明顯要決心幫呢匹馬贏馬,另外喺對手方面,「肥仔威威」上季一再喺跑馬地跑得好,但係最後一仗鞍上人唔知係驚隻馬有事定其他原因,搞到隻馬大敗返嚟,今次換人出賽,希望可以將隻馬表現得最好。


另外第二場四班1650米,我就鍾意「神龍駒」,最主要原因係因為佢落四班出賽,加上抽到黃金二檔,計落呢場對手冇喺上季三班出賽嘅對手咁強,相信只要鞍常人發揮得好就有機會幫呢隻馬開齋。

您可能有興趣:


首頁