「路路之星」(前)今次操足以臨兼強配雷神，估計應

【神祺小子／祺神】今日沙田馬場上演十場賽事，分別七場草地加三場泥地，近日天氣比較乾燥，預計跑好至快地機會較大。
第三場四班1400米，「承你所願」是一匹跑新鮮感特佳的馬匹，暑期轉倉不久已找來昔日贏馬拍檔雷神操實，練馬師最近更加親自跳幾課，相當重視，此組四班1400米是一組弱組，評分現時相當有利，相信可以交代。「探險家」上次臨場落飛但出閘脫腳，跑法欠缺誠意，但最尾兩段時間不比該場頭馬「熱血鬥士」差，今仗抽得二檔小心回馬槍。
第四場泥地1200米，「路路之星」上季季尾由雷神接手，但一直操而不戰，今仗賽前埋門試泥閘一放到底，質新馬今季更成熟，跑落可放可追，應該坐亞望冠。「步履如飛」初落四班上陣，上季已經連場走光，最值得參考是上季總場次712跟快步速末段唔斷，輸畀「開心好玩」而己，今仗雖然重磅但可以一爭。