[寶之諗/小馬寶莉]剛過去星期三取消了跑馬地夜賽，個人而言最重要是馬匹的安全，才能長玩長有！
今個賽日是跑星期六，天氣看來都炎熱及乾燥，場地應該偏向好地。今日為大家準備了兩位「先生」，「先生」系的馬都是本人心頭好。
先來第六場「亮先生」，牠的首本路程一定是1000米，在此路程上的成績一向不錯，領前跑法亦適合牠。今季初出，看晨操狀態不錯，身形線條都回復狀態。唯一擔心是上季5月時曾流鼻血，希望此馬經過4個多月休養後，回復水準。今仗配上潘頓，希望騎師可幫到馬兒。
同場另一隻想參考是「星叻」，這隻馬一向跑開1200米，上季季尾升班後成績一般。選牠的原因是他晨操時吸引到我，馬兒跑起來有新鮮感、有力。今次縮程跑1000，再配陳嘉熙，如果騎師能好好控制到此馬，應該能跑出好成績。
另外一場想睇是第9場，當然要睇睇隻「真先生」，今季9月8日出戰沙田全天候跑得第四，證明暑假後狀態可以。而近日晨操狀態比之前更好，身形毛色都很好。今仗會擔心外檔問題，不過這隻馬本身是有實力的，入位應該可以。另一隻想提提是「好好利高」晨操時非常靚，都是可以留意的馬。