2024年 03月 28日
星期四
   | 氣 溫 : 25 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

好甜橙 如有神助
發佈日期 : 2019-11-12


【大鐵論馬/大鐵】星期三晚繼續快活谷夜賽,今次賽事使用C欄,馬場換草之後偏向有利內欄前置馬匹,尤其是短途賽事。第一口孖T先由四班超短途賽事打頭陣,暑期曾經品題徐雨石馬房快活谷1000米成績超卓,今次馬房的「好甜橙」近況勇銳彌補缺點,今次抽到一檔用上10磅仔如有神助,上場冇欄都能夠頂到一席,今次預計可以貼欄領放優先選擇。「哈蝦王旺」上場直路完全冇位發揮,今次再戰同程換人更具信心。「萬眾之力」上場進步神速輕鬆贏馬,今場早段發揮應是關鍵,但願能複製上場走位,騎練合作今季進入蜜月期要多留意。「深愛」繼續跑短心意未明,評分已經有利今次換上雷神要拖住慎防偷襲。「龍城勝將」狀態慢慢跑起,今次檔位偏好有機會又再接近,降落四班之後慢慢見到好轉。


尾關方面跑三班1200米,「明駿之星」今季演出準繩,上場沒有步速逼住自己領放非最佳跑法,今次莫雷拉重新上馬,跑法主動預計可以守到好位,對手較弱之下有望再次交出好表現。「南莊加好」接二連三有好表現證明此馬能力不俗,上場雖然看似贏得勉強,但當日跑法比較不利,今次升上三班應該能夠應付。「翡翠劇院」上場走勢開始接近,當日在比較不利場地做出同組第二快末段22.65,今次再跑同程有權偷襲。「美麗躍動」上季演出非常失望,今場預計一檔可以放頭,如果賺取跑道形勢或者有一席。「旋里多彩」上季跑相同程經常接近,可惜今場再抽不利檔,水準較弱的三班賽拖住以防萬一。

您可能有興趣:


首頁