【風花雪月／子樂】第一場第五班1200米，「喜盈盈」前仗直路賽非合適路程，以致成績一般，上場回跑谷草短途，表現大進，力拼得第三，假如唔係轉彎走蝕位，應該贏咗啦，潘明輝今次再次執韁，一定會打醒十二分精神，只要做好留放，可補中。
「大龍騰」四班贏過「勝利名星」，五班點會冇卡士，熱身完一場，隨時起筷。「贏馬神器」上季喺四班一再接近，降班出戰好跑。
第六場第三班1200米，「愛樂寶」上季贏2W，今季一出即勝，區區跑七場已獲3冠1亞，前途光明，呢啲明日之星，方嘉柏一定好識做，唔會亂嚟，出得嚟再跑，梗有一定把握。
「飛星凱旋」上季長跑長有，但今季轉咗去苗廐，係咪即刻可以跑得好，希望得啦。「馬功臣」實力唔簡單，弊在跑法太蝕。