2024年 03月 29日
星期五
   | 氣 溫 : 24 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

吼落飛馬有竅門
發佈日期 : 2018-07-22


【避重就輕/阿興】香港賽馬投注額年年上升,除了有賴自由行的北水南調效應之外,落飛黨亦應記一功,記得多年前,馬會曾經不歡迎落飛黨下注,因而取消過不少戶口,但後來因為利益在眼前,變成歡迎落飛黨,到底哪一個做法才對普羅馬迷有利,相信一切自有公論。



落飛黨雖然令人感覺神秘,但其實只係一個有系統的投注基金,組織內既有睇晨操的專門人才,亦有睇片、計段速的專家,甚至乎收埋馬房料,總之所能夠收集到的資料,比普羅大眾為多,如此一來,自然可以大大提高勝算。


雖然落飛黨並非一定會中,但由於下注的目標多屬冷門或半冷分子,就算每三匹勝出一匹,亦一定有利可圖,所謂蝕本生意無人做,如果做落飛黨要蝕錢的話,相信大家就不會差不多場場都看到有馬匹閘前落飛了。


喜用大包圍投注策略


面對經常出手的落飛黨,一般馬迷只得兩個做法,其一係跟飛賭,其二係繼續下注在自己心水馬匹之上。而筆者一般就會先做功課,確認熱門馬是否不穩,邊線馬有否偷襲的機會,如果心目中的邊線馬閘前落飛,尤其在連贏位上全線落飛,或者只拖實力馬的幾瓣落飛,均屬佳兆,可以跟番多少搭其順風車。



 

您可能有興趣:


首頁