跑道形勢已成為選馬重要因素之一。

【洪禮賢講馬】前文講到知多好過知少，其實唔一定無往而不利，福兮禍之所伏嘛，偶爾明贏變輸，舉個例子，譬如賽前喜歡一匹後上馬，點知跑道模式完全偏袒前領馬，信心危機油然而生，思想鬥爭去到最後，可能對原本那匹馬生厭，若然放棄下注（WP），頂多少了贏錢機會，一場半場，損失有限，然而情節稍作改動，後果「可大可小」。
假設情節A係：不單只沒有買到原本那匹放頭馬，還要押注在同場另一匹後上馬身上（WP），結果係「前度」勝出，「現任」屈居第二或者三甲不入，賽後肯定一殼眼淚。
假設情節B係：沒有採納自己原意，因應賽道因素驅使，把本來心儀之馬退作配腳，改以另一駒做膽買QT，最終「料敵如神」，三隻腳排住隊過終點，而且跑第一正正係曾經最愛，即係由全中變成開腳，那打擊之大，創傷之巨，實在非筆墨可形容。
凡事都有兩面，禍兮福之所倚啊，想多了，或是想通了，一線之差而已，此外，若遇上前述A、B情節，事後如何開解自己，抖擻精神再應戰，也是重要關卡。