「堅離地」（近鏡）評分有利，隨時可反彈。

【神祺小子／祺神】騎師潘頓剛剛在自己社交網站上批評一位騎師發揮「千金一諾」的表現後，被競賽小組罰款五千元正，之後剛賽日自己策騎該駒順利補中，過終點竟然見到潘頓舉鞭慶祝，唔講仲以為係筆者偶像柏寶返咗香港，話雖如此，筆者不明白罰款五千究竟是為了甚麼？對於一個香港冠軍騎師，五千蚊可能係佢嘅五蚊，罰佢五千可能只是象徵式，唔好畀其他人「有樣學樣」，但筆者認為，有批評先有進步，小組咁樣封殺騎師言論自由，對他們實在太不公平。
今期推介第一場五班1650米，「堅離地」上場蝕不利追場地，最後百五米又未能望空然後輸近，可以當佢完全冇用過力，反映此駒已可以留後衝一段，近日潘頓好鍾意騎利敬國搏失的馬匹，今次潘頓又搶番嚟跑，只要有人幫手喺前面開吓路，早段留得順利唔好搶口，可以坐亞望冠！
第八場二班1650米，「百步穿雲」季初第一場跑法車前倒後，仍能追近賺場地贏馬的「帝豪寶寶」，之後第二仗又留喺最後，轉彎同其他馬撞完之後都追番近，反映馬匹至少有基本狀態，今場返谷草主場加換人，希望一切際遇順利吧！