【過關專員／Danny Yeung】看完排位表後，相信大家都會認為潘頓的坐騎相對佔優，但觀乎最近八次有潘頓在陣的「騎師王」彩池，攤路暫時輸多過贏（即勝負負負負勝負勝），信邪的馬迷朋友不妨多加留意。
第二場「大地和平」上季大部分時間在第四班坐馬監，季尾即使成功落班於陣上亦顯得力不從心，因此當時練者急於求功亦未有向此駒打主意，更刻意安排馬兒出戰非首本路程，務求在新一季以更有利的評分重新出發。
「大地和平」今季以31分起步，初出一役即返回表現最準繩的谷草1200米，可惜C+3跑道加上十檔，令李寶利在出閘後別無選擇地將坐騎留到最後。不過，馬兒入直路後抽出大外叠追回一席第六，反映目前的狀態及評分絕對有力一爭，今次再戰同程兼抽得二檔好位，只要出閘順利已有贏面。
「怡德」上季初在第三班谷草1650米與「連利之星」串Q，後者其後征服二班，相信「怡德」的實力亦不致於五班無馬贏。霍利時刻意安排「金飯碗」出戰一哩而為「怡德」報跑1200米，配合配備有變，不妨燒燒冷灶；「創意寶」剛戰贏得輕鬆，與試閘見好的「暴風俠」均屬正路配腳。