「肥仔」从前由吕健威同霍利时养过，呢匹马老到8岁嘞，都走去支持韦达，呢位马主确係几长情，就嚟到第五个马季，一来，只马未退，二来，肯以行动撑韦达，不枉多年嗰份关係，有没可能赢马交代，好睇只马退咗几多，因为有番咁嘅年纪，唔係想点就点，好在上季没咩表现，个分落番好多，以呢匹自购马昔日嘅短途能力，喺四班应该有啲牙力。
过去咁多年以嚟，「肥仔」跑过好几项路程，其中以沙田草地1200米佔大多数，一共有十八场，攞到3冠1亚2季，另外佢喺谷草1200米录得1亚3季，其余跑过嘅路程一概不入三甲，路程性能一目了然，唔可能再有咩转变，而韦达骑咗呢匹马咁多年，又点会唔比我哋更加清楚吖，所以估计今季都会集中跑田谷草1200米。
虽然此马上季跑完6月嗰场只脚有事，要提早放暑假，但係转马房后好快做得嘢，只脚应该没大碍，最近仲一课接一课快跳，操到火红火绿，依近期嗰套准备，相信好快会派上战线，至于呢匹老马復出掂唔掂，我哋好快会知。