2024年 03月 29日
星期五
   | 氣 溫 : 28 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

[㗎仔遊食]築地市場場外秘密店
發佈日期 : 2018-07-12

本欄作者Kei San
成班都係食品界大大前輩
呢D食堂就係咁,刺身無排場,新鮮就係
鰻魚汁燒多食,其實新鮮先可以白燒
成條子薑,我地會點味噌食
本欄作者Kei San
成班都係食品界大大前輩

「築地市場會搬?唔會搬?」一路都沒完沒了報道,的確仲未有答案。雖然時時網上見到好多遊客去築地批發市場參觀MAGURO競投,但相信大部分人不旨在睇,作為一般消費者,我地關心嘅都係會唔會無咗「築地市場場外」呢個可以買嘢食嘢嘅地方多啲。


所以實在批發市場搬唔搬都唔係重點,因為我地都唔係去買貨做生意,係關心場外呢個集所有海產雜貨畀大家Enjoy購物地方,可滿足為食一族啫!


其實,呢個場外地點已建好新嘅建築,有數十個檔口營業中,可以買到平價魚鮮。相信亦會有不少舊店會選擇留低轉入新舖繼續經營。


對我嚟講,都好經常去築地市場,亦好鍾意呢度,但就唔係觀光心情,而係工作或工作後經過而去多。我多數唔係去「場外」畀旅客去嘅餐廳,反而地點上遠過「場外」店,但又好多「場內」人光顧嘅食肆,基本上都無咩旅客識去,或唔識日文唔會入。理由好簡單,新鮮!抵食!食完會好滿足。(笑) 店舖近水樓台,自然取到新鮮又平,甚至人脈關係,入到少有貨色。二來都係行家光顧多,無一定水準會畀人踩台架,所以師傅都係用足心機做。


偶然,我都見到有遊客入,但可能係溝通問題啦,因為呢D小店多數都係年紀大D老闆,唔識英文,店細,裝修都講究,舊舊地,好迫,有時旅客都覺得坐得唔舒服,好多時都唔太Enjoy。但今次又去呢間店,見有香港遊客入,老闆竟然問:「Beer One?Sashimi One?」唔鹹唔淡英文都溝通到呢!日本真係邁向國際化呢!


今次去係Farewell個大大前輩,唔好意思,個個身份年紀都咁上下,唔係小鮮肉,留個念嘛!(笑)


[Kei San 小檔案]
日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。



圖說
1)成班都係食品界大大前輩,都係佢地教我先識食咋!


2)呢D食堂就係咁,刺身無排場,新鮮就係。池魚,目張魚用魚肝醬油點食,絕配!


3)鰻魚汁燒多食,其實新鮮先可以白燒,只用鹽調味,正!


4)成條子薑,我地會點味噌食,你都試下啦!


 

您可能有興趣:


首頁