2019年 12月 08日
星期日
   | 气 温 : 16 度
搜寻新闻
繁体中文
即时新闻 视频新闻 要闻港闻 社 评国际两岸 财 经 娱 乐 体 育 马 经 副 刊 昔 日电子报

[㗎仔游食]东京神乐坂の鲜鱼日本料理店
发佈日期 : 2019-03-07

本栏作者Kei San
呢个group仲经营几间乌贼中心
塩辛及鲭鱼干,送烧酎可以提鲜
用鲷鱼刺身及皮做嘅酱油渍
沉稳色调,可以令人更放松
本栏作者Kei San
呢个group仲经营几间乌贼中心

各个日本粉丝,去过东京JR饭田桥一带食嘢吗?有无听过「神乐坂」呢个名?


呢附近有好多料理店,可能旅游书较少介绍,所以无咁多外国游客识去。神乐坂係个优静嘅住宅区,有数间歷史悠久嘅「料亭」。所谓料亭,係日本政治家密谈嘅地方,私隐度较高,而大企业社长等都喜欢喺料亭倾大生意,协议等。除咗料亭外,亦有一般中产都可负担得起嘅餐厅,由日本料理至Casual Café Style都有,亦有外国人厨师担当嘅意大利菜、法国菜等,形形式式。


有朋友都进驻咗神乐坂,店名叫「银座鱼ばか はなれ/Ginza Uo Baka Harare」。特色係平价提供新鲜海产料理,因佢地拍档好几位係各地方鱼市场买手,所有物流运输都一手包办,喺鱼市场入完货就直接送店,唔使再经几重,成本降低咗好多,鲜度亦毋用置疑。


店位置喺大街转入嘅住宅区,旺中带静,有坐吧檯亦有枱椅选择,纯和风装修令人好舒服踏实。


我较钟意坐吧枱,可以睇到板前师傅处理海产嘅手艺同刀功,又可以听师傅介绍唔同产地海产特色,料理方法等,既学习亦都增添进食享受乐趣,食得更有味道呢!


呢度仲有个好处,客人可自由Order海鲜做法,刺身、烧、天妇罗、寿司…等,当然店员同师傅都会建议,或畀意见每类海产啱做咩啦。呢度嘅大厨店长曾喺香港三年开店,因租太贵,最后决定回流日本,所以都识少少广东话架。


如果想食得舒服D,唔使同好多游客一齐迫,呢度值得推介呢!


银座鱼ばか はなれ/Ginza Uo Baka Hanare
地址:东京都新宿区神乐坂3丁目6神乐坂馆BLDG3F


[Kei San 小档案]
日本北海道出生。居港超过三十年,能操流利广东话,年轻时出国留学,毕业后走访海外多国工作的关係,练就出独立自「煮」的好手艺,对食材的选择也有心得,因此被传媒发掘,活跃于各大报章杂志的烹饪示范及美食专题,更有幸参与不少电视节目演出及主持,是料理达人及美食家,日本饮食文化的传道者。



图说
1)呢个group仲经营几间乌贼中心,乌贼刺身係照牌菜,点可唔食。


2)塩辛及鲭鱼干,都係咸鲜浓浓鱼香,送烧酎可以提鲜,一流。


3)用鲷鱼刺身及皮做嘅酱油渍,刚好浓缩咗鱼鲜味,口感一流。


4)沉稳色调,可以令人更放松享受一餐。

您可能有兴趣:


首页