藝人鍾嘉欣昨日到中環出席化妝品活動，懷着第二胎五個月的她剛隻身由加拿大返港，腹部已微微隆起，但身形、手腳仍然纖瘦，樣子依舊漂亮。她表示今次回港兩星期做喜愛的工作，已答應丈夫好好安胎，沒有相約傳媒專訪，以免行程太緊迫。

囡囡知做家姐

至於第二胎的性別，她表示已經照了，但沒有問醫生，想保持驚喜：「仔女都無所謂，已經諗定仔同女嘅名，順產就知用邊個。（囡囡Kelly知道做家姐未？）一路都有灌輸緊，每日叫佢『BB錫錫』，佢都好乖。」她指女兒愈來愈黐身，可能知道有威脅。嘉欣買了BB公仔讓女兒學餵奶，以及慢慢有心理準備。問到這次回港兩星期可會不捨得女兒？嘉欣即眼泛淚光說：「唔好講呢啲，我哋第一次分開咁耐，我以為自己OK，但我走咗之後老爺、奶奶話個女喺屋企搵我，我啱啱同佢視像通話，自己都進步咗。」

預產期在秋天

她自爆佗第二胎初時很辛苦，自己不時坐在梳化，因為第一孕期又倦又想嘔，很多謝老公包容和愛錫：「佢做咗煮飯公、家務公同湊仔公，不過我依家已經精神番。（會唔會再生？）唔會，兩個已經好開心。（身形無乜轉變？）無乜，比起第一胎個肚大啲、尖啲。（暗示係仔？）唔係，上次佗Kelly嘅時候個肚都好尖，啲人話十成係仔，結果咪係女！不過懷孕嘅反應就唔同，今次隔住幾米聞到意粉、肉味都想嘔，呢個係素菜BB。」

嘉欣指預產期在秋天，但怕被跟蹤就不想透露實際日子。說到好姊妹苟芸慧即將結婚，嘉欣稱要等對方定好日子才知自己會否做姊妹：「如果今年就未必得，因為有第二個BB真係180度轉變，一個自己都照顧到，兩個就有少少驚。」

擔任司儀的李澄（西瓜），談及妹妹李怡（野人）的舊愛崔建邦有新歡時說：「幾好呀，無乜所謂，拍拖都係開心事。（妹妹已經放低？）佢放低咗幾両肉，哈哈！」她又表示沒問妹妹現在有沒有拍拖。