艺人钟嘉欣昨日到中环出席化妆品活动,怀着第二胎五个月的她刚只身由加拿大返港,腹部已微微隆起,但身形、手脚仍然纤瘦,样子依旧漂亮。她表示今次回港两星期做喜爱的工作,已答应丈夫好好安胎,没有相约传媒专访,以免行程太紧迫。
囡囡知做家姐
至于第二胎的性别,她表示已经照了,但没有问医生,想保持惊喜:「仔女都无所谓,已经谂定仔同女嘅名,顺产就知用边个。(囡囡Kelly知道做家姐未?)一路都有灌输紧,每日叫佢『BB锡锡』,佢都好乖。」她指女儿愈来愈黐身,可能知道有威胁。嘉欣买了BB公仔让女儿学餵奶,以及慢慢有心理准备。问到这次回港两星期可会不捨得女儿?嘉欣即眼泛泪光说:「唔好讲呢啲,我哋第一次分开咁耐,我以为自己OK,但我走咗之后老爷、奶奶话个女喺屋企搵我,我啱啱同佢视像通话,自己都进步咗。」
预产期在秋天
她自爆佗第二胎初时很辛苦,自己不时坐在梳化,因为第一孕期又倦又想呕,很多谢老公包容和爱锡:「佢做咗煮饭公、家务公同凑仔公,不过我依家已经精神番。(会唔会再生?)唔会,两个已经好开心。(身形无乜转变?)无乜,比起第一胎个肚大啲、尖啲。(暗示係仔?)唔係,上次佗Kelly嘅时候个肚都好尖,啲人话十成係仔,结果咪係女!不过怀孕嘅反应就唔同,今次隔住几米闻到意粉、肉味都想呕,呢个係素菜BB。」
嘉欣指预产期在秋天,但怕被跟踪就不想透露实际日子。说到好姊妹苟芸慧即将结婚,嘉欣称要等对方定好日子才知自己会否做姊妹:「如果今年就未必得,因为有第二个BB真係180度转变,一个自己都照顾到,两个就有少少惊。」
担任司仪的李澄(西瓜),谈及妹妹李怡(野人)的旧爱崔建邦有新欢时说:「几好呀,无乜所谓,拍拖都係开心事。(妹妹已经放低?)佢放低咗几両肉,哈哈!」她又表示没问妹妹现在有没有拍拖。