【本报记者报道】叱咤乐坛「我最喜爱的男、女歌手」已进入最后第三阶段投票，候选人之一的张敬轩（轩仔）前晚（27日）突发在社交网开直播，除了剖析自己今年落力拉票原因，更与歌迷联播，为晚上11点仍然在街上为他拉票的粉丝打气。直播完后，轩仔更决定亲身落到旺角跟「助选团」齐齐派宣传单张，齐齐为选举奋斗。
轩仔在直播中谓入选过16次「我最喜爱男歌手」5强，但只获得一次，「讲起上嚟好惭愧。」以往抱「佛系」心态参选，但今年积极拉票，或多或少都受到过去几年疫情影响。
轩仔说：「经过疫情，我啲fans、观众互动方法唔同咗好多，自己都花咗一段时间去接受呢种韩式应援，因为最主要唔想大家使钱、频扑。」
他分享某晚上网见到fans包了一架巴士于港九新界巡游，不论男女、又或是拖儿带女为他走到街上拉票。「有啲人会好冷漠咁行过，见到呢幕我觉得好心噏。作为一个歌手，明明呢啲应该我自己去做，但要我啲fans咁样抛头露面，我觉得好内疚，所以我觉得唔可以再坐喺屋企入面，甚至乎万一经过大家努力真係送咗我上台，我觉得我会愧对大家。所以我决定要俾心机拉票！我真係没办法坐喺屋企坐享其成。」
大赞宣传物料「有心思」
他又介绍歌迷为他印制的宣传物料，大赞十分「有心思」，「由于香港係一个多元社会，所以我哋有菲律宾文嘅拉票单张、同埋有印尼文嘅拉票单张。」他又承诺在最后投票阶段截止前，会不定时于全港的票站亲身落区派传单拉票，又笑谓：「希望大家可以当面拒绝我，但最好唔好，因为我觉得跳出咗我中年危机嘅舒适圈，同大家一齐以运动员精神去参与今次乐坛颁奖礼。」
接着他又跟仍在街上为他拉票的歌迷互动，有歌迷问他直播完后会否过去找他们，然后全场起哄「落区！」轩仔直言自己「唔大得」。「你真係唔好大我呀我话俾你听，我个人就最唔钟意人大我，好！我行路都过嚟！岂有此理！」
直播结束后，轩仔心疼歌迷在晚上11时多仍在街头为他落力拉票，于是决定到旺角跟fans一齐奋斗。落到旺角，轩仔顿时被街坊包围，而他亦不停游走派传单，唿吁大家投他一票，场面墟冚，除了本地人，轩仔连外国人都不放过，最后轩仔留到近12点才离开。
|
搜寻新闻
