2024年 02月 21日
星期三
   | 氣 溫 : 24 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

客串《新聞女王》勁突出 陳若思扮MK妹兇何依婷 佘詩曼親自教路增強「戲」味
發佈日期 : 2023-12-01

陳若思兇何依婷場口引起網民討論。
有佘詩曼(右)教路,陳若思演MK妹入型入格。
陳若思拍攝《港女野人》而受觀眾注目。
陳若思兇何依婷場口引起網民討論。
有佘詩曼(右)教路,陳若思演MK妹入型入格。

 


【本報記者報道】正在熱播的無綫台慶劇《新聞女王》,除了豆瓣分數維持8.2高分,並吸獲逾36,000人評分,評分人數比去年熱播的台慶劇《下流上車族》高出近6倍;同時榮登「豆瓣一周華語口碑劇集榜」榜首,成績斐然;無綫對上一套登同榜榜首劇集已是《星空下的仁醫》。另外,劇中除了「Man姐」佘詩曼(阿佘)再度爆紅外,其他個案的人物亦甚高討論度。


 


2020年參選港姐入行的陳若思(Amber),入行後多以主持綜藝節目為主,代表作品有J2綜藝節目《港女野人》,拍劇經驗相對較少,並多以客串性質演出。


 


雖然劇齡尚淺,Amber演出絕不遜色,前晚(29日)一集她飾演凡事與家姐對著幹的MK妹徐曉欣正式登場,不但令人眼前一亮,藐嘴藐舌態度及言之有理的說詞亦讓網民留下深刻印象:「好得意、髮型也靚」、「你講的台辭也很有道理」、「戲份不多但睇得出用心演」。


 


猖狂髮型增霸氣


 


Amber受訪時,坦言今次是首次入劇組飾演有名字的角色:「呢個劇係我戲份最 重、亦係我第一個入劇組嘅角色;我之前啲角色都係冇名嘅,做過宮女、客人同 粉絲。」


 


談到角色造型,Amber笑言沒覺得特別性感,但坦言事前有做功課參考「MK妹」穿搭法,並指最想感激是角色髮型:「我覺得個髮型已經好壞、好猖狂,所以每次一紮起個頭,我都覺得自己特別反叛、好有霸氣,隔籬啲人都會畀我嚇親。」


 


笑指似「女版山雞」


 


為了投入角色,Amber拍攝期間喪煲90後熱捧的MK歌,並於腦海內不斷反覆哼唱增加投入感:「另外我仲有睇啲黑社會電影,我當正自己係女版陳浩南,雖然最後我覺得自己比較似山雞多啲,鬧人時都係大聲靠惡,我當正自己係黑社會大家姐咁樣去兇依婷。」


 


談到昨晚兇依婷場口,Amber笑言全靠阿佘出手幫拖,才順利完成拍攝:「場戲有句對白係:『我唔想郁呀,一係你爬出去囉』,我無論點講都講唔好,阿佘就提議我伸直隻腳擋住我家姐(何依婷 飾),唔畀佢出去,加咗呢個設計後,我即刻覺得成件事順咗。」


 


大讚阿佘零架子


 


Amber又大讚阿佘與依婷都是很好的前輩:「有一次拍promo,因為前面啲人太高,阿佘見到我畀人擋住,佢就話加個apple box畀我墊高。我覺得佢真係好好人,因為我覺得佢冇必要照顧我,而且仲要咁都留意到。依婷都有分享一啲佢做戲嘅嘢畀我聽,佢話啱啱開始做戲時,冇留意到隻眼要好定,因為眼神其實好重要,咁樣上鏡講嘢先至會比較有說服力。」


 

您可能有興趣:

1
《盜月者》入圍布魯塞爾奇幻電影節 姜濤 呂爵安 盧瀚霆 馬拉松式謝票

2
古天樂踩入紅館唱《男朋友》 公開談與宣萱關係:我的家人!

3
鄭裕玲晉身國際級主播 專訪「甜茶」及奧斯汀畢拿

4
楊潮凱宣布再做爸爸 爆6歲女每年生日許願要弟妹

5
《中年2》吸147萬觀眾登榜首 《本尊就位》收視勝《狀王》

6
《狀王之王》被指放炮灰檔 王浩信:好劇沒分檔期

7
胡定欣自爆有異性可發展 笑稱與單身姚子羚鬥快嫁

8
阿SA 向阿嬌互訴心聲 演唱會感動全場

9
《奧本海默》獲奧斯卡最多13項提名 施利安首爭影帝感震驚

10
演唱會籌60+萬善款 幫助長者及基層 張學友不言休會唱下去: 感謝讓我成為最幸福的普通人

11
徐榮與馬國明相識廿載 訓練班結緣 常約踢波

12
梁家輝再做外父  細女已榮升人妻

13
「地盤工」吳浩康宣布開個唱 身危坐高台 拍攝海報及宣傳片

14
劉德華申12月紅館開騷 盼望實現跨年演唱會

15
蕭正楠新劇演爆肌渣男 相隔20年 再與賴慰玲續緣


首頁