姜大衛贈送戲中角色鴨嘴帽給觀眾。

【本報記者報道】電影《白日之下》票房持續上升。截止前日（11月29日），電影上映28日累積票房經已衝破1700萬﹗團隊上下都非常感激觀眾支持，故特意在前晚組成開畫以來最強大的謝票團隊，台前幕後一行12人浩浩蕩蕩走入戲院親身答謝觀眾。

難得見到12 位台前幕後人員同場出現，觀眾反應非常熱烈，主演之一的姜大衛（John哥）更主動搞氣氛，即場戴上戲內角色通伯的標誌鴨嘴帽，全場觀眾拍掌起哄，John哥笑言：「其實通伯唔傻㗎，好似我咁醒嘅，好多謝大家支持《白日之下》，希望大家真係多啲入戲院睇電影，香港電影真係好多好好睇嘅。」

而首次加入團隊謝票的林保怡，亦都跟在場觀眾打成一片：「剛才John哥見到我時話想打我，哈哈，呢個院長真係抵打，係啊，真係一個魔鬼嘅角色嚟架。」謝票團隊亦即場送贈紀念版鴨嘴帽，影迷們都非常驚喜。

電影上映近一個月以來，口碑載道，導演簡君晋再次言謝觀眾的愛戴，並感恩的說：「《白日之下》準備踏入第5週，票房好即係代表好多人入場支持，呢個都係我哋最想見到，同埋引起坊間討論以及反思，希望電影可以去得更遠。」幾位演員亦都呼籲觀眾繼續入場，期望票房有更佳成績。