【本報記者報道】無綫新劇《奔跑吧！勇敢的女人們》演員蕭正楠（阿蕭）、吳若希(Jinny)、朱敏瀚、賴慰玲等昨天（10日）試造型。在劇中演可愛「渣男」的阿蕭以火紅色低胸西裝出場，露出健碩胸肌，夠搶鏡，他更講笑話同事幫他打陰影，營造「爆肌」感覺。

阿蕭劇中是位「愛妻號」小生和網紅，娶了Jinny飾演的女星後，兩人育有一對子女，同時又跟「小三」女星賴慰玲爆出軌行為，怕不怕故事令人猜想有影射成分？Jinny說：「冇呀！（部劇幫你度身訂做？）不是，我沒有息影，劇中講我角色婚後息影，後來太愛老公而復出，個角色好蠢，做事又懵，發現不到婚姻出問題。」

阿蕭讚吳若希有喜感

阿蕭說，與Jinny對戲搞笑為主，沒有親熱場口，更大讚對方在《香港人在北京》演出有喜感：「只有她才做到這個效果，她的演出不是很專業演員所做的表情，最後個鏡頭會突然甩轆，但觀眾就是喜歡她傻笑。我跟她拍《倩女喜相逢》，她是個傻妹，在片場不停笑，過了10年她仍然在公司，證明沒有精神問題，只是性格開朗。

阿蕭今次相隔10年再同吳若希合作，相信一定會笑料百出，但更加估唔到是他跟賴慰玲第一次合作竟然已係廿幾年前合演舞台劇，當時嘅Winki仲係一名中五學生妹，所以他說話自己係睇住Winki長大！她說：「我讀中五時跟阿蕭合作演過舞台劇，還影過合照，放榜當日他都有安慰我。」

賴慰玲首戰第3者角色

賴慰玲提到戲中穿校服扮學生，她笑言離開校園20年，今次再著校服感覺似「偷呃拐騙」，但同事覺得效果不錯，希望這幕戲輕輕帶過，觀眾會收貨。

賴慰玲首次挑戰演第三者角色，但劇中當正自己是正印：「我跟阿蕭拍拖在先，後來他跟Jinny有BB才結婚。」朱敏瀚說，認識賴慰玲5年，今次終於有對手戲，劇中又會穿插他和阿蕭昔日的真實片段。

鄧智堅在《新聞女王》搞事搞非嘅飛爺形象深入民心，但呢次喺新劇佢就要由擺炸彈變拆炸彈，事關佢係演一個公關公司嘅老闆，仲要處理唔少公關災難，唔知佢又應唔應付得嚟呢？