【本報記者報道】由劉家豪總監製，陳展鵬、林夏薇、馮盈盈、黃智賢主演《逆天奇案2》第二周收視續升，最高收視21.1點（137萬觀眾），升0.8點。收視成績理想，劇組昨天尖沙咀舉行祝捷會，活動上更為77工作室高層鍾澍佳慶祝生日，並恭賀姜大衛（John）在金像獎上抱走「最佳男配角」，場面熱鬧。
薇薇和展鵬說，下次要請食飯為John哥慶祝，展鵬表示：「我返無綫第一套劇《ID精英》就係同John哥合作，佢做我爸爸，呢位前輩好難得，佢每個角色都保留初心，雖然呢套佢係單元主角，但都同我哋打成一片，教識我哋謙虛，所以要袋喺身。」
薇薇：出場會愈來愈多
有網民不滿薇薇劇中戲份少，對此薇薇坦言也收到很多訊息，她稱：「我啲朋友都有send訊息問我，就連屋企工人姐姐都有追，佢哋話追咗好耐見我好少出場，不過大家畀啲耐性，後面會根據故事發展，我嘅出場亦愈來愈多。」
薇薇又說，將播一場和馮盈盈「攤牌」的戲份令她印象深刻，她稱：「現實生活上係唔會咁對峙，等於再揭瘡疤，嗰種內心掙扎我自己都幾鍾意，不過盈盈會爆發啲，我就內心戲啲。總之大家繼續追落去，會愈嚟愈好睇同精彩。」
就太太單文柔開直播期間關掉了濾鏡，由於身材圓潤被網民懷疑「有喜」。陳展鵬否認道：「唔係，有咗咁大件事我點會唔知！不過，自己與太太不斷預備中，有好消息我哋會話畀大家知。」
張子丰唔認同王菲拍拖：識咗2年
前港姐王菲和緋聞男友張子丰一同受訪，早前張子丰為女友慶生令戀情曝光，二人直認因拍攝《法言人》而認識，問當時是否已撻着？兩人異口同聲指：「嗰時認識嘅。（幾時開始拍拖？）一直都了解緊。」
張子丰說，感情上不會特別高調，但承認雙方已見家長。「我見過佢家人，因為請佢哋一齊睇尹光演唱會。」兩人拍拖已多久？張子丰自爆：「得我哋兩個知，總之識就識咗兩年。（怕公開影響工作？）希望專注工作。」張子丰透露跟無綫已完約，未來會轉做幕後搞製作公司及唱片公司，王菲聞言即謂：「簽埋我囉，我都有搵老師學唱歌㗎！」 |
您可能有興趣:
|
搜尋新聞
