馮盈盈苦練喊功。

馮盈盈苦練喊功。

馮盈盈苦練喊功。

馮盈盈苦練喊功。

馮盈盈苦練喊功。

【本報記者報道】由劉家豪總監製、陳志江監製、岑國榮、孫浩浩擔任編審的《逆天奇案2》，前晚（15日）一集，大家期待已久的Ana（馮盈盈飾）終於登場。盈盈前晚一集喊戲連場，內心情緒相當複雜，她受訪時透露事前特意找泰臣「補鐘」。

盈盈說：「事前我搵咗泰臣做我演戲老師，預先排練預演過後先正式拍攝，務求可以更加投入同掌握到劇中嘅感情戲。」講到拍攝當日蘭桂坊人多又熱鬧，會否影響入戲？盈盈說：「好在泰臣老師教咗我一啲投入角色世界嘅技巧，同埋我事先重溫咗《逆天》第一輯喺蘭桂坊拍攝嘅場面，加強咗我嘅回憶令到拍嘅時候更易入戲。」

連場喊戲影響心情

講到《逆天2》中喊戲連場，盈盈坦言：「今次係我入行以嚟，拍過最多喊戲嘅一套劇，唔多唔少都會令到我喺拍攝過程中心情受影響。但我收工之後會搵方法調節自己嘅情緒走番出個角色，我參考咗一啲前輩建議，透過睇書、做運動、聽音樂嚟紓解壓力。」

至於飾演盈盈男友的Matthew演出同樣亮眼， Matthew在劇中除了高大靚仔，又識煮飯做家務，對盈盈的愛更是體貼入微，名副其實100%暖男！Matthew近年不時飾演暖男角色，繼在《一舞傾城》飾演長情男俊駒、《新聞女王》飾演對未婚妻李施嬅無限包容的律師邵俊樂後，這次在《逆天2》飾演男友力Max的天祖，不但對著Ana溫柔無比、千依百順，為了令Ana回流香港後依然有「家的感覺」，除特意將家中所有擺設及物件「神還原」紐約愛巢，就連「景觀」問題亦以「牆上投影」予以解決，暖心及浪漫度爆燈！

高鈞賢獲讚戲裏戲外都係暖男

連續三套劇大晒暖男面，Matthew絕對有潛力成為「新一代御用暖男」。提到與Matthew劇中Sweet爆CP感十足，盈盈笑言Matthew現實是百分百暖男：「第一次同Matthew合作，覺得佢好似一個大哥哥，好親切又好識得照顧身邊嘅每一個人，包括台前幕後所有工作人員，又會主動買零食嘢飲畀整個劇組，名副其實戲內戲外都係暖男！」