【本報記者報道】郭柏妍昨天為下周舉行的珠寶展試戴一套價值2000萬的翡翠首飾，她笑言心情緊張︰「這套首飾好靚同好重，成層樓咁貴，戴上後好緊張。我都想擁有呢套首飾，但未買得起，要努力工作掙錢。自己買還是男友送？我冇諗呢個問題，希望自己買又有男朋友送。不過，我都係想先自己買，靠自己好重要。」

郭柏妍說，平日購買珠寶首飾時，注重款式多過價錢。她目前擁有的最貴重首飾是參選港姐時母親借給她的︰「我唔知價錢，心意最重要﹗媽媽呢套首飾係我嘅嫁妝？我冇咁快嫁，唔心急，儲吓錢先。」

對於緋聞男友丁子朗參加偶像選秀節目《亞洲超星團》，她表示有留意對方比賽，兩人日前曾在賀年活動上碰面。郭柏妍說完隨即拉開話題，稱開心今年有很多新嘗試。她否認避談丁子朗，強調被問起時會直接回答。談及稍後要拍攝新劇《麻雀樂隊》，郭柏妍自言不擅長打麻將，平日都是旁觀多。