吳偉豪跟周嘉洛因拍《愛•回家》成為好兄弟。（吳偉

吳偉豪憑演出處境劇《愛•回家之開心速遞》的朱凌凌一角成功入屋，而晉升TVB新一代男神，人氣急升。而他的《愛•回家》好兄弟「金城安」周嘉洛亦是無綫力捧小生之一，2人經常以「情侶檔」現身，更挾著高企人氣頻頻孖住出活動搵真銀，深受觀眾和廣告商歡迎。

不過有觀眾認為周嘉洛的「金城安」影子經已「入血」，就連早前拍《寵愛Pet Pet》時也被對手林夏薇錯叫他做「金城安」，有網民亦質疑他直接複製周星馳的搞笑式演技。不過Ricco就幫好兄弟講好說話，同時亦希望跟好兄弟在演技上的成長一起共勉。

Ricco說：「我覺得每一個觀眾睇法都是不同的，他們的睇法是不得不respect（尊重），有些人是睇得出周嘉洛是想嘗試演『金城安』以外的方向，我都睇得出，可能因為我很了解他。其實我就是想出到去拍完劇再重返《愛•回家》之後，會有一個成長變化給其他人睇到。我亦都希望每一次接觸新的角色時是有不同，我是在演戲內的角色而不是在做我自己。」