【本报记者报道】久未推出情歌的姜涛，近日推出他的「第13胎」新歌《岩巉》，更借用填词人黄伟文（Wyman）的歌词，分享自己诚心等待真命天子来临的爱情态度，但姜涛却不排除，如遇到合适对象，也会像MV里平行时空的姜涛，勇敢去爱。
《岩巉》由林家谦作曲，但原来已是差不多两年前的作品，姜涛分享歌曲诞生的经过，他说：「大概年几两年前听到林家谦老师呢个曲，一听就被intro（前奏）琴声吸引咗，即刻好想搵Wyman老师填呢只歌，由佢嘅角度观察我去写呢只歌，所以好Surprise（惊喜）佢用『岩巉』呢个广东话独有词汇，亦好好奇点解佢会咁样写我。我有问过Wyman老师，佢觉得我对爱情係一个好有耐性嘅人，唔会急于轻易搵另一半，用『岩巉』唔係因为我哋好奄尖，而係我哋真係好诚心去等待完全适合我哋嘅另一半。」
今次《岩巉》的MV，其实是他之前的歌曲《爱情签证申请》的延续，姜涛再次做回自己，饰演备受注目的艺人，但MV中的姜涛，面对喜欢的人，却毫不保留地保护对方，爱对方，而MV的故事，姜涛也有给予自己的想法。
林思廷任女角 减轻剧组工作
姜涛说：「MV係同导演一齐构思，做返喺平行时空里面嘅姜涛，如果佢真係拍拖会点做呢？当我遇到一个真係好啱嘅人，我会奋不顾身去保护佢，同埋会向大家宣布我好钟意呢个人。咁啱《爱情签证申请》MV最尾写住To Be Continued（待续），仲有个续集未拍，好想自己作品有个完整性，不如今次完成埋佢，当係另一种平衡时空嘅延续。两个MV入面有好多小细节係可以对得上，希望大家可以发掘到呢啲彩蛋。」
继上一次《爱情签证申请》MV，今次再次找来林思廷（Tammy）担任女主角，姜涛跟对方因为剧集《超感应学园》而成为好友，有对方的加入，也减轻了剧组的工作。
姜涛道：「我哋呢个Project（项目）都好赶，要喺好短嘅时间Confirm（确认）好多嘢，但Confirm咗係Tammy之后，就悭返好多功夫，实在好多谢佢嘅帮忙。我每次去台湾都会同《超感应学园》呢班Friend（朋友）见面，一直都有保持联络，所以同Tammy没话生疏咗，所以拍摄过程都好顺利，又好开心。」
无打算拍拖 不敢谂太多
不论是《岩巉》的歌词，还是MV，谈的都是诚心等待，勇敢去爱的态度，那么姜涛又是这种人吗？姜涛亲自给大家一个答案，并说到：「我而家没话想拍拖住，唔够胆谂太多嘢，因为自己本身已经有太多事情要处理，所以如果再加多一份爱情喺度，未必处理得到。如果遇到一个啱嘅人，我又唔会完全放弃爱情呢件事，但暂时係事业为先。」
|
搜寻新闻
