市民在2019年排隊等候在區選投票。（資料圖片）

Mark Simon是黎智英的助手。（資料圖片）

市民在2019年排隊等候在區選投票。（資料圖片）

Mark Simon是黎智英的助手。（資料圖片）

【本報記者報道】從犯證人陳梓華在庭上表示，黎智英助理Mark Simon認為區選中「『黃絲』勝選係大勢所趨」，因此Mark Simon與黎智英開始研究初選，目的是延續這股氣勢，可以在立法會選舉都取得大勝。

陳作供稱，2019年11月區議會選舉後，Mark Simon主動要陳到沙田君悅酒店會面，陳憶述指當日會面只有「我同佢」，Mark Simon表示「EOM（監選團）做得好好，呢啲就係佢哋想要嘅嘢」，而陳理解「佢哋」代表Mark Simon及黎智英。Mark Simon表示，「好多民主人士會去聯絡佢（Mark Simon），或者佢老細（黎智英），去尋求金錢上既幫助」，但「我老細好有錢，唔代表佢任何人都要贊助」，並聲稱他可以決定細額款項的贊助，而黎決定大額款項的贊助。

陳又指出，Mark Simon不滿意李宇軒，稱「李宇軒每一次都係最後一刻先搵佢幫手，唔係好識做人，咁所以希望我（陳）繼續喺中間，去協調佢兩個」。

Mark Simon之後就未來抗爭方向作指示，要求陳及李放棄登報紙，轉移到網上平台宣傳及進行國際游說，Mark Simon表示「已經好多人關注緊香港既情況，唔需要再靠個登報
紙嚟引起關注，反而係啲官員同埋（外國）政府，會更加想知道，香港個情況係點樣，所以先更加需要國際游說」，而國際游說的目的，就是要外國政府採取措施向港府施壓。

陳補充，Mark Simon認為區選中「『黃絲』勝選係大勢所趨」，因此「佢同埋佢老細（黎智英），開始研究緊初選，就希望延續呢股氣勢，可以喺立法會都取得大勝」，陳憶述，2020年1月黎在台灣與陳見面時，已經著手準備初選，包括「攞咗一個報價，一間歐洲嘅公司，去做一個初選公投嘅程式」。

另外，控方就2019年11月李宇軒安排外國政客來港監察區議會選舉及籌辦「監選團」事宜向陳作提問。陳作供稱，李於11月透過Telegram聯絡他，表示會「搞一個監察區議會選舉嘅一個行動」，需要25萬元資助，因此叫陳「問下人」，陳理解「問下人」即是「好似之前咁，佢係要我搵Mark Simon同黎智英幫手」。

陳之後聯絡Mark Simon向其講述李的計劃，Mark Simon表示「好有興趣」。李之後將來港監選的議員名單交予陳，並由陳轉發予Mark Simon，Mark Simon致電陳及提問「Lord Alton（英國上議院議員奧爾頓勳爵）都嚟？」，確認Lord Alton會來港後，Mark Simon立即表示「我地會大力支持」，陳之後向其提供李的銀行戶口，並從李口中得悉Mark Simon「畀咗個double（兩倍），50萬最尾」，陳又向李表示，「我當時講咗句，佢（Mark Simon）都無咁樣畀過50萬我」。