文/ 尋龍子
攝/ chanwaihung@madlight
一個雲淡風輕的周末,逃離香港,係好多人疫情之下的狂想,但係,回港硬食隔離七日,無人想捱,退思諗計,不如快閃西貢。西貢市場街新開NeoArt3 Coffee Lover Café,或者可以幫你Chill 番半日,沉浸一下旅遊感覺,催眠自己,已經是域外風情,釋放壓力,再行漸遠。
NeoArt3 Cafe 應該算係一個實驗,三層高村屋,位置西貢舊墟附近,外牆漆上黃色,色調奪目,獨一無二,天外飛仙,仿佛時空瞬移,將歐陸小鎮一楝老屋,傳送落戶本地,亦構成了Cafe的多元文化互動氛圍的基地,一點點神秘,一點點浪漫,一切滋味,由一杯咖啡開始。
咖啡之甘
NeoArt3 Cafe係一間Cafe,亦不止一間Cafe。主持人Ronald介紹,他們將地下舖Cafe聯乘Coffee Lover,意想在香港提供高質咖啡,他們請來香港唯一的咖啡博士朱桂芳小姐合作,自家烘焙咖啡豆,保證手做咖啡質素,場內每杯咖啡都由修畢「City&Guilds 國際認可咖啡師」員工沖製。Ronald亦特別為香港人設計特式招牌house blend咖啡系列,味道減酸,更加清爽,使用了多種高山莊園咖啡豆,精心拼配而成,為香港人口味設計,包括洪都拉斯、巴拿馬、埃塞俄比亞等。咖啡入口講究風味(Flavour)、香氣(Aroma)、苦甘(Bitter/Sweet)、醇度(Body),各有所好,希望為大家推介。
甜點之魅
好咖啡要配有好甜點,Ronald請來五星級酒店甜品師傅,為Cafe設計多款甜品。特色係結合達文西畫作藝術,以幾何設計。最受歡迎有Sferarossa foamier($68),參照達文西名畫「救世主」(Salvator Mundi)手上的水晶球,以焦糖朱古力配微酸蘋果味帶出清新感覺。另一推介係Trappola disgusto($68)(味覺的陷阱),外形由達文西另一畫作「交叉式拱橋」(The Bridge of Leonardo Da Vinci)觸發,朱古力加Tiramisu,這陷阱這陷阱偏我遇上。還有一些輕食可試,不要太飽,剛剛滿足,輕食會推介牛肋條意條,味濃肉香,滿滿homemade 風味。
藝術之美
為甚麼是達文西?因為配合畫廊意念,Cafe同Leonardo3 博物館聯合創辦人 Mario Taddei 合作,牆壁掛上他設計的掛畫。達文西博學多才,身兼科學家、畫家、建築師、工程師、數學家、甚至音樂家,Cafe連接了這位意大利天才,為這個體驗增添靈氣,未知達文西會不會有不為人知的美食家一面? Cafe區只有大慨十個坐位,為確保寧靜安逸,內部裝修成為一間畫廊感覺,只以石材金屬為主,無木製品,刀叉選用黃銅,而非茶餐廳的不鏽鋼,燈光柔和,讓食客既享受味道滋味,亦感染文化氣息。
滿足味覺之餘
除了可以選擇嚐咖啡輕食之外,更可以選擇更上一層樓,選擇音樂或者藝術體驗,留在西貢,chill 半天。二樓由音樂美少女Charlie主理,可以學唱歌。再上一層,便是藝術工作坊,定期編排繪畫、瓷畫、寶石皂工作坊,味蕾滿足後,亦可心靈之旅,藝術輕體驗。工作坊的時間表須留意Cafe Facebook 。
去得西貢,好多人都係鍾意坐街,你可以選擇坐在地下舖前,點一杯鎮店之寶Ice Mocha,悠閑地看遊人來往,陽光慢移,或者忽然一陣雨,路人狼狽走避,也是怡情治愈,慢活放鬆。又或者你可以選擇在天台黃昏BBQ,仰望天色,由昏入夜,Cafe提供西貢海鮮肉扒等,自成一角,與好友圍爐,有月賞月,無月觀星,也自怡然。
藝廊Cafe由三對夫妻營運,再帶來年輕下一代補位,家庭式招呼加上homemade menu,客人享受西貢郷土人情亦帶有點點歐陸小鎮風,東西交融,意式、達文西、咖啡、本土、文藝,種種文化碰撞,又點止食嘢咁簡單。這便是香港。
資訊:
NeoArt3 Coffee Lover
西貢市場街26號全幢(連天台)(西貢巴士/小巴總站沿海邊向舊墟慢行10分鐘)
+85295550321
Cafe營業時間: Tue~Sun 10am~6pm (星期一休息)
私房菜及天台BBQ 營業時間:預訂
|