【本報記者報道】無綫全新綜藝節目《麻雀鬥室三決一》昨晚（11月29日）首播，本身是該節目主持的薛家燕，邀請了節目拍檔吳若希（Jinny）及鄭衍峰到新城電台接受《開心大派對》訪問大談麻將經。家燕姐希望邀請到好鍾意打牌的徐小鳳上節目，她說：「小鳳姐打麻將好叻，我梗係想請佢上嚟啦，大家可以跟小鳳姐學嘢！」
《麻》共有13集，每集拍攝時間最少要13、4小時，雖然節目只拍了一半，但幾位主持感情要好，似足一個家庭般，家燕姐不時都會萬歲請食蛋撻、沙翁；衍鋒則會萬歲咖啡，有次家燕姐錄影時，錄到聲沙沙，Jinny翌日帶咗私伙浸咗十幾年的鹹柑桔給家燕姐紓緩下喉嚨。
吳若希贈鹹柑桔家燕姐
家燕姐說：「可能拍攝時間好長，拍一集《麻雀》，等於拍兩集《流行經典》，大家相處時間長，感情都好些。」家燕姐更大讚Jinny老公好好，拍到凌晨兩、三點，都見Alex接太太放工。
問及三人有哪位嘉賓的牌品不好呢？Jinny遻：「就算嘉賓牌品不好，給大家看見皂到嗰個都係acting，因為拍節目都是一個玩的心態，我們這個節目不是玩錢……」
鄭衍峰力讚黎諾懿牌品好
衍鋒則力讚黎諾懿的牌品好好，「他嗰集是三娘教子，三位女士一齊攻佢，個遊戲係要懲罰，個個都搵他來罰，他就好淡然面對，睇得出諾懿牌章是最高，但都是輸。」同場的范振鋒原來小時候屋企開麻將館，阿范話：「下次你哋喺節目度抽水，咁就可以用抽水嘅錢買咖啡、蛋撻！」 |
搜尋新聞
