【本报记者报道】无綫处境剧《爱.回家之开心速递》中的「贾名媛」邱芷微(Chelffy),日前她在该剧中大秀急口令一幕,获网民大赞清楚标准,还要顾及记走位及演技,认真不简单。
Chelffy在社交平台分享自己在现场及事前练习的片段,并逐一答谢网民及分享自己如何鍊成这成果。Chelffy表示第一次表演急口令都紧张,因此很多人问花了多少时间练习:「这场戏是拍摄前1星期才收到剧本,当我看到有急口令场口都心知唔容易,你叫我普通玩就容易,但要做埋戏就唔容易㗎喇!短短几句急口令,虽然要记熟唔难,但要加上动作表情及声线运用就需要花时间练习。」
她续说:「起码要做到所有嘢加埋都唔甩,仲要收放自如。由于当时唔清楚拍摄时导演需要甚么速度及语气,因此当我练习时,每种速度及演绎方式都有练习及研究。」
Chelffy更笑言练习期间更影响了男朋友、学生及家长,结果齐齐挑战她:「我真係好似痴线婆咁个口日练夜练,因为我想练到个脑唔使谂都讲到,佢哋听到就梗係好奇我讲乜。可能因为平时唔会特别留意我讲嘢有没咬字清楚,但一玩急口令,个个都重点放在咬字发音问题。平时我教学生讲对白咬字要清楚,今次演出真係一个完美的示范。我没谂过学生及家长都好投入玩呢段急口令,甚至挑战其他急口令。」
被问到有何秘诀,Chelffy表示:「可能自己本身係歌手,我当咗好似平时唱歌玩Rap咁。但急口令没有音乐,因此我会搵我嘅节奏及音调来展示属于自己的版本。」
帮姜丽文平反
谈到有网民嫌弃饰演Lisa的姜丽文(Lesley)于全剧演出的口音好烦厌,更把两人的演出作比较,Chelffy大赞对方演绎恰到好处:「其实佢要用呢啲声线做戏都唔容易,我真係试过。因为这集剧情去到最后话我唔觉意学咗Lisa讲嘢,虽然得一句对白要学佢讲嘢,但其实要谂点样讲得唔正,甚至要练习捲脷都唔容易。因为唔同国籍讲广东话唔正嘅口音都有唔同。喺现场我亦都有向Lesley请教,所以我觉得佢一直以来非常用心,是个好演员,值得赞赏。」
|