【本報記者報道】組合Twins早前宣布明年1月舉行8場紅館騷《TWINS SPIRIT》演唱會，昨早（22日）公開發售後，成績勢如破竹，逾五萬張門票於半小時內被搶購一空，8場演出宣告爆滿！剛巧昨日正是蔡卓妍（阿Sa）踏入41歲生日，壽星女一聽門票售罄消息，即興奮到不得了！
阿Sa正日生日雖然仍要開工，但期間一班同公司歌手包括關智斌（Kenny）、鄧小巧、Gin Lee（李幸倪）、泳兒等特別為她準備了生日蛋糕慶生。Kenny偷偷拿著生日蛋糕出來，領唱生日歌突襲，氣氛歡樂。
之後阿Sa向著蛋糕許願，因為許了成分鐘，阿嬌（鍾欣桐）叫Kenny先慢慢坐定定等阿Sa，阿Sa就說：「你唔好嘈我住，我好亂呀我……」問到阿Sa究竟許了甚麼願望？阿Sa笑答：「我送了個生日願望給經理人部門同事阿超，祝佢身體健康！哈哈。」Kenny說：「係咪唔講得㗎？講咗唔靈。」笑爆全場！
歌迷留言希望加場
此時有工作人員向阿Sa宣布喜訊：「今日半個鐘內，八場演唱會賣爆啦！」阿Sa、阿嬌兩日聽到後既意外又興奮，Kenny則馬上大叫：「加場！加場！我唔夠飛！」然後即引起大家一齊跟著叫，因為不單內部同事不夠飛，今（昨）日不少歌迷也衝向「Sa嬌」留言說買不到飛，希望他們可以加場。
阿Sa表示加不加場要再研究，又笑問Kenny：「係咪你來幫我哋手做先？哈哈！」Kenny答：「我得㗎，我最多來做bad boy伴舞，哈哈。」
阿Sa笑阿嬌得廿歲
Twins演唱會頭場是阿嬌生日，Kenny表示一定拉大隊去支持，並在紅館一齊唱生日歌！阿嬌就笑道：「好啊，到時全世界都知我幾歲啦。」Kenny話：「你25嘛，唔係咩？」而阿Sa就話：「咩呀！20呀。哈哈。」
阿Sa亦在社交平台做直播，分享生日正日會和家人食飯，又指終於做晒手頭上工作，可以在家休息一下。不過她說昨晚沒有開生日派對，只和家人、嫲嫲和同學仔等食飯。直播期間，Sa爸也有出鏡和歌迷打招呼。而阿Sa亦呼籲歌迷可在演唱會以Twins過往的造型打扮入場。
阿Sa表示：「經歷幾年疫情，終於可以自由活動，希望可以大家來紅館，一齊癲 啲！開開心心在演唱會抽離去另一個時空。」有歌迷問到若坐在山頂位置，阿Sa仍可望到遠方歌迷的打扮嗎？阿Sa謂：「我哋會派特派人員睇你著咩，有攝錄機搵你哋出來。
亦有男歌迷問可以如何打扮時，阿Sa又指：「我都扮過男人啦，男歌迷扮男人囉，哈哈，女校男生，扮學生都得。」
|
搜尋新聞
