監製Amy姐為靚湯演技平反。

【本報記者報道】由王心慰（Amy姐）監製的無綫新劇《隱門》，昨日（3日）在油塘舉行宣傳活動，劇中一班演員紛紛出席。其中演賊王的63歲吳岱融戴住黑超出場，現場有不少市民立即起哄大叫，其聲勢不輸男女主角陳展鵬和黃智雯（Mandy）。不過，司儀在台上提到劇中演女警的湯洛雯（靚湯）角色非常遴迍，甚至竟然「跑都跑唔郁」，但Amy姐出到聲為靚湯平反，而靚湯笑笑口指今次是她本色演出。

靚湯表示：「首先多謝大家討論我呢個角色，其實我呢個角色係非常之遴迍。」在旁的Amy姐即搭嘴：「其實呢個係本身劇本人物角色嘅性格設定嚟嘅，原因我想佢可以同展鵬可以擦出火花，展鵬咁醒，所以就要有一個遴迍差婆去配搭，而現實中都係有嘅，但佢個心都係會儆惡懲奸。佢一定會做一個好警察！」靚湯再指她在劇中是做回自己，並透露之後會有悲慘發展。

靚湯曾患胃炎兼失眠

靚湯在活動完後接受訪問表示，劇中有很多場口都好像自己性格。問到她與未來老公馬國明的婚禮，現時籌備得如何？靚湯透露到時只會舉辦一個小型的私人婚禮，到時未必大宴親朋。目前她正在積極收身為影婚照作準備，她坦言去年拍此劇時撞正疫情最嚴重時，自己狀態的確很差。

比劇中上鏡時明顯瘦了不少的靚湯表示︰「我嗰時患咗胃炎同失眠，要食好多藥，有胃藥、安眠藥，個人腫晒，望落去都老咗好多，所以一拍完我就選擇休息，唔再拍劇住。」她又指現時十分勤力做運動，又有看中醫調理身體，經已瘦了10多磅，她又強調最重要瘦得健康。

吳岱融驚重拍爆血管

而Mandy也表示自己因最近忙於綵排舞台劇大壓力也清減了不少，不過體重只跌了不過10磅。至於劇中被兇惡父親吳岱融不斷糟質，又爆粗大鬧兼打她，吳岱融透露不少朋友說睇完都驚︰「多謝觀眾支持，反應好好，今次角色好有以前拍戲角色嘅影子。我要表現得咬牙切齒。」他又指最驚要重拍，怕要再用盡力演出容易爆血管。他又讚黃智雯演得出色，更大爆拍攝某天不慎弄傷Mandy。黃智雯笑對方果然力大無窮。