歌手菊梓喬(Hana)一連兩場演唱會前晚(21日)圓滿結束,一眾好友包括何猷亨、周志康、丘梓謙與其女友、唱片公司高層何麗全等現身支持。Hana一開場就唱出《忘記我自己》,之後又邀請男歌迷上台一起合唱《相信愛情》,表現風騷!
完騷後Hana接受訪問並大叫「唔夠喉」。談到她在台上「不停呻攰」,她解釋:「搞氣氛啫。第一晚有人話我唔講嘢,所以今晚講番多啲嘢,我同粉絲互動好開心。」提到緋聞男友吳卓羲為何未有現身捧場?2人是否已分手,Hana表示:「太趕時間喇,我冇乜請朋友。(咁你同吳卓羲仲有無聯絡?)我都唔係好清楚。」
|