【本報記者報道】無綫劇集《一舞傾城》正在熱播，前晚（24日）播出一集，劇情講到鄺潔楹（Judy）飾演的細細粒有感連累文凱玲飾演的Money欠下周身債，遂答應陪練馬師上船過夜幫手還債，怎料練馬師有鋪SM（凌虐）癮，被綁在床上的細細粒慘遭練馬師蹂躪，最終導致遍體鱗傷。
有傳該幕由於尺度過激，最終只刪剩十餘秒，不過短短一幕已成網民熱話。Judy於相關場口將角色的恐懼、不安、崩潰等情緒演繹到位，令不少觀眾大感心痛。Judy對於拍SM戲坦言很緊張：「從演以嚟都未試過咁大尺度，事前都有做定功課參考一啲虐待戲應該點拍。」
Judy續指一換上SM戲服已經入戲，她說：「一上到張床鎖上個手扣，個不安感覺已經出咗嚟，對我嚟講係好真實，呢場戲我係一秒都冇放鬆過，就連排戲嘅時候我都叫佢哋綁住我，因為我想攞嗰種感覺，同埋見到好多刑具喺現場，望落去已經好驚，所以我係用當下嘅情緒去做呢場戲。」問到事後有否陰影？Judy說：「都冇嘅，嗰日係我嘅煞科戲，知道拍埋呢場就冇辛苦戲，所以之後嘅心情都有放鬆到。」
赤腳行甲板似火燒心
講到之後的落船崩潰戲，Judy坦言：「本身係擔心應付唔嚟，因為比較少做情緒化嘅戲，呢個唔係我強項。拍呢場戲另一個難度，就係當時天氣有成37度，劇情係要我赤腳行落甲板，一踩落甲板已經好唔舒服，好似畀火燒咁，成個人癲咗咁，有啲位係嗌咗出嚟發泄，呢場戲最終兩Take就搞掂，當下演出嚟係最真實。」
另外昨晚一集也有重頭戲，男主角楊明上演一個打十個的精彩動作戲，以及與姚子羚有激吻場口。楊明表示本身跟子羚老友，所以不怕尷尬。
|
搜尋新聞
