【本報記者報道】歌手張敬軒（軒仔）一連11場的《REVISIT張敬軒演唱會》前晚（7日）來到第3場的演出，兩日的座上客包括林家謙、溫碧霞（Irene）、楊天宇（Angus）、李靖筠（Gladys）、黃明德（Dark）、郭思（Suey）及朱天等，為軒仔醫好新冠肺炎近90歲的中醫陳醫師亦帶同太太前來睇足全場。
軒仔在確診後兩個月都未能康復，在朋友介紹下向一位近90歲的中醫陳醫師求診。在第2場（6日）的演唱會上，軒仔透露老中醫的舖面雖然只有兩隻手伸長的大小，但醫師服務筲箕灣街坊多年，贈醫施藥。軒仔服用了陳醫師開給他的3劑有原隻蛤蚧的中藥後便痊癒，為答謝對方，軒仔特別邀請了醫師和太太一同前來觀賞演唱會。
90歲中醫贈醫施藥
軒仔在台上說道：「每一次去睇症嘅時候，見到有啲附近居民，生活比較困難，醫生都會送藥。我喺香港生活咗20年，最吸引我嘅就係呢度嘅人情味。」軒仔又指陳醫師身體健壯，一點也不像90歲，更對著台下醫師笑問：「其實你係食咗啲乜嘢㗎呢？係咪日日都食蛤蚧？」隨後他又連番向陳醫師道謝，並請坐在醫師四周的歌迷要好好照顧兩老。
軒仔又謂他在社交平台做直播時曾介紹陳醫師，但今次開騷前，陳醫師跟軒仔說：「張生，我退休啦，你唔好再介紹人俾我啦！」這番話引得全場捧腹大笑，而陳醫師亦十分撐軒仔，直至第四次Encore後才離場。
說到Encore，十分愛錫Fans的軒仔在第2晚一共Encore了4次，並演繹了《夜機》、《預言書》、《俏郎君》及《只是太愛你》，而Fans對於軒仔亦是寵愛有加，為了今次《REVISIT張敬軒演唱會》製作了各式各樣的應援物，軒仔對此在台上搞笑道：「我唔知乜嘢係『應援』㗎，我係2000年出道嘅歌手，聽到『應援』呢兩個字，只覺得『援』字後面係跟個『交』字。其實我已經入行20周年，但大家仲咁支持我，實在好感恩。」
要求林家謙上台合唱
而在前晚第3場的演出時，軒仔特別提及座上客林家謙為他寫了好多首好歌，令當年《Senses Inherited》專輯銷量達至金唱片，之後更要三度翻印。就在此時台下Fans不停高喊要求二人合唱，軒仔聽到後即表示會慎重考慮2人合作開騷，簡單一個話，已令台下Fans陷入瘋狂狀態，尖叫聲震耳欲聾。而第3場軒仔又再4次Encore，歌單則轉換了《明明他已離開你》、《留低鎖匙》、《只是太愛你》和《攝氏零度》。
|
搜尋新聞
