2024年 06月 13日
星期四
   | 氣 溫 : 31 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

《隱門》獲網民追捧 黃智雯 遭吳岱融真打 叫爽 黃子恆 做自私精 被鬧「衰格」
發佈日期 : 2023-06-02

盧宛茵又做惡家婆,夠晒入型入格。
網民大讚黃智雯靚女又好戲。
2. 黃子恆與吳岱融演得投入,觀眾也睇得投入。
黃智雯遭吳岱融打出「真感情」。
盧宛茵又做惡家婆,夠晒入型入格。
網民大讚黃智雯靚女又好戲。

 


【本報記者報道】由王心慰(Amy姐)監製的無綫新劇《隱門》,大講人性黑暗面,加上演賊王的吳岱融演得夠喪,黃智雯(Mandy)遭對方真打,睇得觀眾叫爽。劇集獲不少網民追捧,就連Mandy也對現場被打的逼真感大叫「正」,至於演Mandy「衰老公」Mike的黃子恆,坦言一早預角色不討好,最緊要觀眾睇得投入。


 


前晚(531日)一集,黃智雯飾演的心月辛苦酬得的200萬,於賊王吳岱融與阿Ray(陳展鵬飾)打鬥期間全數跌落海,同時亦因被盧宛茵飾演的奶奶及老公Mike揭發借大耳窿慘遭公審。雖然Mandy劇中經常一臉苦情,但網民相當受落,大讚她多了分成熟美、愈來愈靚兼角色有新鮮感。


 


慘變「生人勿近」


 


談到角色要同時面對衰老竇、衰老公及衰奶奶連環逼迫,Mandy笑言壓力爆煲,並指自己慘變「生人勿近」,Mandy說:「呢個角色一直唔可以坦率面對身邊人,身心靈又受到好大壓抑同威脅,其實係好痛苦。自己拍嗰時都放鬆唔到條橡筋,啲幕後話拍嗰時唔敢行埋我度。」


 


Mandy又笑指遭吳岱融打出「真感情」:「拍衝突場口我哋大家都冇話特別留力,嗰種逼真感帶動到我反應更加真實,我覺得正嘅。」為了準備角色,Mandy更專誠上了一個短期心理學課程:「主要想了解番喺唔健康家庭成長、身心靈受創嘅小朋友,對佢哋日後成長有咩影響。」


 


黃子恆又做「反派」


 


除了心月,圍繞其身邊的衰老公Mike、毒舌奶奶亦惹起關注,尤其為了50萬對心月連番尖酸刻薄,更讓不少觀眾激心。其實子恆首集出場時已被鬧爆「衰到貼地」,單是死都不聽老婆電話,已盡顯其自私性格。對於被指再做「反派」,子恆謂雖然曾涉獵過多種角色,但像阿Mike這種衰老公角色卻是第一次。


 


子恆表示:「唔好話觀眾想打呢個衰老公,我自己睇劇本都覺得呢個人唔抵幫,有啲對白真係幾自私,又孤寒。呢方面編劇係應記一功,好短時間之內用有限嘅對白同劇情,將個角色塑造出嚟。」


 


「御用惡家婆」入型入格


 


子恆續指是次是繼《降魔的》後再與Mandy合作,並笑謂上一次也是負責欺負Mandy。談到角色對白涼薄,問子恆拍攝時有否心理負擔,他笑言最緊要觀眾睇得過癮:「我講對白都冇乜顧慮,因為都知呢個角色一定唔討好,但每套劇每個角色有唔同功能,既然方向係咁,我咪全心全意去做,最緊要觀眾睇完有反應。」至於做開惡家婆的盧宛茵,雖然角色惹人厭,但網民指她「只要戚起條眉,啲氣勢就係咁嚟」,大讚入型入格。


 

您可能有興趣:

1
《海關戰線》亡命演出 謝霆鋒淡定演出危險場面 凌空槍戰嚇怕衛詩雅

2
《談判專家》明星首映場 吳鎮宇 劉青雲互窒有火花

3
陳法拉暑假回港拍新戲 逗留2個月

4
《查無此人》吉隆坡首映 鄒文正被圍 感受大馬觀眾熱情

5
巴黎奧運7.26-8.11 TVB晚8至11時停播劇集 曾志偉:讓路播賽事

6
《九龍城寨之圍城》 加推「超前導解鎖片段」

7
「寶總」暗戰李李揭商場詭詐 「老上海」以蒙特嬌恤為榮

8
鄭俊弘 何雁詩發起慈善演唱會 冀加深公眾對天使綜合症的認識

9
《執法者們》慰勞宴 黃宗澤終認蔡潔做老婆 羅子溢爆洪永城狂睇梁諾妍親熱戲

10
方力申開騷 憑歌示愛 女友葉萱激罕蒙面伴舞

11
曾比特孖粉絲齊看《繁花》首播

12
《九龍城寨之圍城》氣勢如虹 郭富城首度加盟謝票

13
張栢芝入稟高院控余毓興誹謗 要求刪不實言論 要求書面道歉

14
王丹妮爆怕老公呷醋 不敢與韓國男星合照

15
胡歌身懷3個皮包藏暗示 「爺叔」游本昌首播即成金句王


首頁