【本报记者报道】林奕匡（Phil）的太太李霭玑（Rikko）于上周五（8月23日）诞下儿子，取名「Darrien」，母子平安，恭喜恭喜！新手爸妈在社交网分享喜悦，Rikko则留言：「好煎熬及惊险的24小时，但好庆幸一切都雨过天晴」。
Darrien出世时重2.84kg，在入产房前Rikko一直打算顺产，讵料在医院经过十多小时后开始发烧。Rikko说：「我开始发烧，BB嘅心跳都去得好快，没办法之下要紧急转做开刀手术，当时虽然好攰，但我好惊瞓着，瞓咗就见唔到BB，甚至瞓咗以后都唔醒。」Phil当时亦同样感到惊惶失措，他说：「我差唔多全程都陪住Rikko，希望俾多啲support(支持)佢，同埋分散佢嘅痛楚感觉，但睇住Rikko体温不断上升，BB心跳又不断上升，都愈嚟愈担心。」
妻临盆前发烧 胎儿心跳转快
当确定要做手术后几分钟，Rikko先入手术室，Phil在外面办理手续后，随即进入手术室，Phil回忆说：「当时我望住医生俾我嗰一张开刀手术嘅风险资料，我突然好惊，人生从来没试过咁惊，好惊Rikko同BB会有事，但係我知道我入到去，我一定唔可以俾Rikko feel(感觉)到我惊，我要distract佢（分散其注意力），于是我整定个playlist（歌曲清单），全部都係我最柔和嘅歌曲俾佢听。」
随后，当护士告知Phil及Rikko BB出来了，二人依然紧张，直到听到BB的哭声，他们终于松一口气，一直在旁的Phil随即也帮忙为BB剪脐带。当看到Darrien后，Phil也流露一脸慈父的笑容，说：「佢同我一样咁多头髮，眼仔碌碌就似妈妈。」
囝囝2.84kg 多头髮 眼仔碌碌
Darrien还未有中文名，但Darrien这个英文名字就是由Phil想出来，有「Gift（恩赐）」、「Rich（丰盛）」及「Kindly（仁慈）」的意思，Phil道：「Darrien呢个名係对囝囝嘅祝福同期望。其实都考虑咗好耐，想改一个『D』字头嘅名，因为Rikko 嘅『R』 同 Phil 嘅『 P』都有个『D』字喺里面。之前上网search，参考过过千个名都唔合心水，最后係自己谂出嚟，又几好听，上网check完，原来个名嘅意思又咁好，就确定用呢个啦！」
BB出世了，Phil与Rikko当然也忙于凑仔了！不过他们早就有心理准备，Phil更道：「因为係有计划嘅怀孕，所以心态上，我哋都好ready、好期待。我哋亦一早安排好BB 用品、衣服、傢俬等等，亦学习咗点样餵母乳同照顾BB，而家反而需要学习嘅就係BB将来嘅教育基金、健康保险同埋医疗保障等等。现今世代要好好养育一个小朋友真係唔容易，所以都要深思熟虑好好地安排！」 |
您可能有兴趣:
|
搜寻新闻
