千嬅带妈咪(右)重游当年与丁子高的註册教堂。

【本报记者报道】杨千嬅今年启动《MY TREE OF LIVE世界巡迴演唱会》，辗转已唱到第17场，昨天宣布明年2月14日及15日，假澳门银河综艺馆开骚。

千嬅说，2019年去过美国演出之后，已经4年未去过，拉斯维加斯也改变不少。今次工作之余，她亦带妈咪去玩，看魔术表演、去新地标睇骚，她说：「我妈咪劲呀，佢时差都搞得掂，仲精灵过我。去到当年我同丁生註册个小教堂，因为当年註册妈咪无係现场，我讲番当时情况同啲小故事畀佢听，佢听得好开心。」

重游当年註册小教堂

回想当年和丁子高旅行期间突然註册结婚，那一刻的《勇》，千嬅说，改变了整个人生，她说：「依家谂番由一个人变两个人，再变三个人，人生其实很多事个天都安排好，跟住命运带畀你的流水向前行，你就神奇地行咗个人生出嚟。第日放假，我谂住再带囝囝嚟，再同佢讲当年Daddy同妈咪故事。」

美加之行，千嬅说，老公似管家，管理她的饮食，但她也吃了这一年最多的淀粉质，她说：「芝士、汉堡，Pizza，意粉，几乎日日食，丁生最叻係每到一个地方，就问晒朋友，有咩最好食一定要食，带晒大家去，去到就係咁叫好嘢，但係就剩係管我一个，次次都话你唔好食咁多，畀佢激死。我梗係唔理佢，不过今次食多咗，咁返来就要还，开始又节制多啲，之后过年喺澳门开骚，过年你知咁多好嘢食，????家减定，留多啲Quota(限额)过年用。同埋要保养把声，唱咗17场，明年巡迴继续，要保持好体能。」

年初五举行第一场

是次澳门，千嬅选在明年2月14日及15日开骚，年初五举行第一场，她说：「我未试过农历年做骚，仲係情人节，都几开心，以往过年多数一家人旅行，今次终于喺香港过年，再带埋家人过澳门睇骚兼一齐玩。情人节开骚觉得好好，人大个咗就唔係剩係谂情人得两个人，呢啲日子，愈多朋友愈好愈开心，又可以见下fans，我都好期待。」