歌手王梓軒獲委任為「助養兒童親善代表」,早前親赴越南老街探訪其助養女兒小花(Hoa)及視察救助兒童會在該區的工作。梓軒第一次見小花,更與她一齊餵雞、掃地,他說:「佢畀我同佢一齊做家務,我覺得好開心!」
送上小禮物
出發前,梓軒知道小花志願做醫生,所以買了醫生玩具送給她:「之前小花都有啲好得意嘅畫同信寄畀我,佢手字好靚,我帶咗份禮物畀佢,亦買咗啲小禮物送畀佢啲同學仔,自己好少去越南,老街就係第一次嚟!」老街內有不少少數民族,所以梓軒抵達越南後,即向工作人員問及當地的文化禮節,他說:「好可惜,原來唔攬得小朋友,因為身體接觸有忌諱。」
立志做醫生
當日梓軒天未光便坐兩個幾鐘車去老街,出發前,工作人員透露小花很害羞,梓軒話:「我哋一開始玩破咗冰先,同埋搵佢啲朋友一齊陪住佢會無咁驚,我仲會去佢屋企探佢父母、又會去學校、社區探訪,好充實。」梓軒的熱情亦成功打破與小花的隔膜,兩人一起去打井水、餵雞及掃地:「小花好慢熱、天真無邪,幾歲就要喺屋企做家務,爸爸媽媽要湊孫,小花亦會幫手湊,小花嘅理想好偉大,一般少數民族越南話都唔會識,通常都係喺農田生活,尤其係女仔一般都唔會出城市工作,所以小花想做醫生,佢好努力學習新語言,希望將來可以去幫屋企人同朋友,呢班小朋友有得返學好開心,老師離開課室,佢哋會即刻攞番本書出嚟讀。我希望用生命影響生命,令世界更好。」 |