兩位實力派歌手趙學而及黃翊昨日出席活動，即席獻唱多首經典金曲，與粉絲們歡度愉快的除夕，今次是兩人首次同台演唱，學而表示事前很緊張，因為黃翊是零瑕疵歌手。

學而坦言早前在網上看到黃翊復出樂壇唱歌片段瘋傳，剛巧黃翊是她網上平台朋友的朋友，她就搵到對方並私訊說：「黃翊，我好掛住你。」因為當年她做主持訪問黃翊時，私下接觸溝通過，覺得對方性格樂天。

兩人有計劃於2018年舉行大型演唱會，黃翊說：「2018年我五條嘢（50歲），喺人生裏面做到自己想做嘅嘢，好似里程碑，畀阿仔睇吓。」兩人做完活動就收爐，黃翊笑說：「係呀，我收皮！」學而說：「啋，啱啱出返嚟就收皮，大吉利是。」他笑言百無禁忌，二人又表示都將會與家人一同度過除夕夜。