茜利妹應北歐最大「多元文化組織」《Copenhagen Pride》之邀，日前在丹麥首都哥本哈根進行首場《斜槓女皇》talk show海外文化交流演出。茜利妹說：「首次以英語演出talk show，又唔係話太緊張嘅，做得好唔好，都係一次性就閃！哈哈！另外，語言從來都唔係障礙，慢慢講真心講，總會達意囉！」

派安全套利是

適逢初一開騷，當然大派利是：「我喺騷入面派利是畀丹麥觀眾，唔係派錢，係派市值HK$23嘅安全套，丹麥觀眾好受落！」完騷後一班年輕觀眾很熱情地留後傾談性問題。演出反應熱烈，茜利妹今夏會再到哥本哈根重演，並考慮移民到當地。其後她又接受當地電視台訪問，被稱為「亞洲女皇」，她說：「受之無愧！我個騷就係叫「女皇」囉！哈哈！」主持又以當年港產丹麥王妃文雅麗相提並論，茜利妹回應：「其實文雅麗係『鬼妹』，我係『港女』，都唔同種類。」是次北歐之旅，她順便補度蜜月：「適逢嚴寒，兩公婆最佳節目原來係喺零度北歐打邊爐！超warm！」