茜利妹应北欧最大「多元文化组织」《Copenhagen Pride》之邀，日前在丹麦首都哥本哈根进行首场《斜槓女皇》talk show海外文化交流演出。茜利妹说：「首次以英语演出talk show，又唔係话太紧张嘅，做得好唔好，都係一次性就闪！哈哈！另外，语言从来都唔係障碍，慢慢讲真心讲，总会达意啰！」

派安全套利是

适逢初一开骚，当然大派利是：「我喺骚入面派利是畀丹麦观众，唔係派钱，係派市值HK$23嘅安全套，丹麦观众好受落！」完骚后一班年轻观众很热情地留后倾谈性问题。演出反应热烈，茜利妹今夏会再到哥本哈根重演，并考虑移民到当地。其后她又接受当地电视台访问，被称为「亚洲女皇」，她说：「受之无愧！我个骚就係叫「女皇」啰！哈哈！」主持又以当年港产丹麦王妃文雅丽相提并论，茜利妹回应：「其实文雅丽係『鬼妹』，我係『港女』，都唔同种类。」是次北欧之旅，她顺便补度蜜月：「适逢严寒，两公婆最佳节目原来係喺零度北欧打边炉！超warm！」