李綺雯、楊卓娜、朱晨麗及龔慈恩寓工作於娛樂，齊齊

李綺雯、楊卓娜、朱晨麗及龔慈恩排隊按摩。

李綺雯、楊卓娜、朱晨麗及龔慈恩寓工作於娛樂，齊齊

李綺雯、楊卓娜、朱晨麗及龔慈恩排隊按摩。

無綫花旦朱晨麗（朱朱）仍然忙於拍攝新劇《大醬園》。據悉由於劇情牽涉製作豉油工序，故外景頗多，朱朱為求演出神似，經常「唔錫身」落手落腳去洗缸等，由於天氣愈來愈熱加上休息不足，日前她於外景場地突然休克暈倒，要麻煩工作人員幫她即場撥扇及搽精油降溫，最後更驚動監製特意到場地慰問！

身體弱曝曬

求證朱朱暈倒一事，她表示：「以前我好似隻牛咁捱得，但今年天氣特別熱，加上近呢三年自己除咗拍劇，真係無乜點放過假，近期都發現身體的確弱咗好多，而當日又無乜瞓過，結果搞到曬一曬就即場暈咗。」而在中暑暈倒之前，感覺有點怪怪的唔舒服，還不以為意用手機玩自拍，期間就知不知道暈低。朱朱乘機呼籲大家戶外活動期間，要注意防曬功夫。

獲監製問候

談到監製梁材遠聞訊後特意前來慰問，朱朱靦腆謂：「估唔到搞到咁大陣仗，其實呢套劇大家合作得好開心，有時趕戲好辛苦，一眾女演員好似我同楊卓娜咁，會排隊按摩，幫彼此減壓，之前又寓工作於娛樂齊齊包糭應節，真係好有愛。」