【本報娛樂組報道】36歲梁靖琪(Toby)與圈外28歲男友施雋賢(Jon)雖然年紀相差8年,但拍拖近兩年,修成正果,前日(28日)結婚了,兩人在教堂行禮,晩上婚宴在酒店進行,好姊妹文頌嫻、姚樂怡等都有出席,而湯盈盈、周家蔚、鍾麗淇充當姊妹團。據現場友人指,新郎哥在晚宴上,向Toby及其家人作出感人愛的宣言,感動得新娘子忍不住流下涙水。
Toby跟男友早有共識,今年內會步入教堂,鑑於Jon乃圈外人,所以二人一直打算把婚禮低調進行,雙方親友也未有「洩蜜」。Toby 與Jon 都是基督徒,他們先到教堂,在雙方父母及過百名親友的見證下進行行禮及簽字儀式,晩上婚宴在酒店進行。
#姊妹團4人 原有佘詩曼
正式成為施太的Toby興奮地說:「因為老公係圈外人,我地想低調進行婚禮,朋友同親友都好好,幫我地保守秘密,但最不好意思的,是因為晚上婚宴,雙方屋企都有不少朋友,我同老公又好多朋友,所以唔少朋友都請唔到。」(但姊妹團只得三個?)「我冇偏心架,俾佢地自己揀,睇下邊個有時間可以全日陪住我,好可惜就係阿佘(佘詩曼)因為不在港要開工嚟唔到。」
說到Toby在台上感動爆喊:「我同老公在晚宴上,向到賀的人道謝,但我事前不知道佢會講一些touching嘢,當我聽到佢向我同我父母承諾會愛我forever,照顧一生一世 ...我就喊到儍左,姊妹屋企人都有喊,同埋我同老公都係教徒,所以在教堂行禮,感覺好神聖、莊嚴又浪漫,大家唔係只係簽字,係在神父見證下,我同老公都特別感動。」
#聽男友愛的宣言感動到喊
問到「造人」大計時,老公Jon 表示二人也好喜歡小朋友,父母也恨「抱孫」,所以最希望可以有兩個小朋友,Toby笑說:「希望目標兩個啦!」 |