2024年 05月 18日
星期六
   | 氣 溫 : 28 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

陳瀅孖JW 按摩露白滑玉背 不敵周嘉洛朱敏瀚除衫晒肌
發佈日期 : 2023-09-18

陳瀅按摩時露出白滑玉背。
「痞子兄弟姊妹」玩轉清邁。
朱敏瀚和周嘉洛自告奮勇做「除衫擔當」。
陳瀅按摩時露出白滑玉背。
「痞子兄弟姊妹」玩轉清邁。


【本報記者報道】無綫全新旅遊節目《約埋班Friend去旅行》,將於今晚(18日)10點半翡翠台首播。節目集結圈中星級老友組成「死黨團」四圍玩,「痞子兄弟姊妹」周嘉洛、陳瀅、王灝兒(JW)到訪泰國清邁;「反黑團友」張振朗、賴慰玲則玩轉澳洲悉尼,而朱敏瀚(朱仔)則兩個行程都有份,相當開心。


 


兩團人將為大家發掘最新、最驚喜、最開心的旅遊景點,還會接受一連串友情考驗,共同創造專屬的難忘回憶。


 


周嘉洛戴假髮送另類驚喜


 


本周播出的是「痞子兄弟姊妹」篇,4人出發前收到噩耗,被告知嘉洛因拍劇關係未能隨團出發,眾人即時露出震驚錯愕的表情;但實情是嘉洛除了獲得特赦,更提早出發到清邁準備為好友送上驚喜,就是在酒店戴假髮化身Bellboy迎接陳瀅、JW和朱仔;不過3人因掛住參觀酒店,竟前後三次認不出嘉洛,嘉洛最終忍不住彈出來嚇他們,場面搞笑。


 


4人重提當日向公司求情狀況時,爆出嘉洛忍不住喊,嘉洛笑言:「從未試過演個角色演得咁好,我一幻想到唔可以一齊睇日出,我真係喊咗出嚟!」首個行程,4人去到著名打卡熱點Tha Phae Gate與白鴿留倩影,惟JW非常膽小嚇到腳震。之後他們去Café歎啡,席間JW自爆:「我其實有個Dream(夢想),就係好想開 一間Coffee Shop(咖啡店)。」陳瀅說:「我就好想擁有自己嘅酒莊。」


 


晚上4人到周六夜市閒逛,並在街邊體驗蘭納傳統按摩;之後還挑戰食蟲蟲,萬蟲當前,陳瀅和JW嚇到花容失色,將蟲食落口時即時面容扭曲,JW更是不停跺腳定驚;至於兩位男士則照食無誤,還加碼食多幾隻嗌「唔錯」!


 


JW被爆唔飲得兼愛隊人飲酒


 


明晚(19日)一集,著到靚一靚的4人到一間英國特務主題的餐廳食好西,眾人幾杯落肚玩爆料,陳瀅先說:「拍《痞子》時嘉洛係完全唔飲得,經過咗我同JW兩年嘅Training(特訓)之後飲得咗。」嘉洛聞言即說:「阿瀅係最飲得,朱敏瀚就天生好飲得但冇TrainJW好唔飲得,但最大聲就係佢,試過左手撳住人哋膊頭,右手揸住酒杯隊畀人飲!」JW隨即即場示範,場面搞笑。


 


節目尾聲,4人齊齊出發做SPA,兩位男士自告奮勇做「除衫擔當」,更即場喪做掌上壓谷爆肌。嘉洛和朱仔被按期間,陳瀅和JW偷偷入內整蠱他們。至於陳瀅則孖住JW大歎四手按摩,相當享受。


 

您可能有興趣:

1
郭富城對再添丁順其自然 讚兩女遺傳其跳舞細胞

2
陳靜穿超Deep V晚裝戴真翡翠頸鏈 「車震女」是選美亞軍兼武林高手

3
熊黛林宣布自組公司獨立發展 超索靚媽亮相康城影展勁吸睛

4
電影殺出城寨 走向國際 古天樂率四少現身康城

5
《家族榮耀之繼承者》 羅嘉良造型斷崖式衰老 總監製梁家樹:醉心事業效果

6
王祖藍獲大女讚靚仔勁開心

7
《九龍城寨之圍城》票房破5000萬元大關 古天樂率「城寨四子」感謝觀眾捧場

8
譚輝智演唱會發佈會 與粉絲熱舞大騷招牌舞技

9
《談判專家》6.13香港上映 劉青雲吳鎮宇相隔19年再合作

10
聲稱何伯子女向新何太宣戰: 無義務供養家父續弦

11
佘詩曼《繼承者》萬獸之王顯霸氣 羅子溢 羅嘉良大小豺狼 奸到出汁

12
《家族榮耀之繼承者》今晚首播 林峯與佘詩曼談情先渣後暖 羅子溢爆妻質疑常拍愛情動作劇

13
譚輝智5.26開個人演唱會 戒吃至愛炸物及辣味美食

14
挾韓劇《淚之女王》高人氣 金秀賢8月10日亞博館見面會勢掀熱潮

15
「乃木坂46」香港騷門票大賣 成員盼賞港夜景 歎蛋撻及雲吞


首頁