【本報記者報道】無綫劇集《再見‧枕邊人》快將大結局，三大網民女神--葉蒨文、張曦雯及李君妍輪流派福利！葉蒨文飾演的富家女Evelyn前晚首度登場，穿上超低胸造型亮相，與Alex(鄭俊弘飾)玩相睇。談到甫出場便以完美體態示人，葉蒨文受訪時透露沒有刻意為演出瘦身，亦沒有戒口，更有吃宵夜：「從來唔會控制自己食量，所以體重經常喺47至55kg （103.4至121磅）徘徊，個range 都大，變化取決於嗰排工作量同埋壓力等。」
葉蒨文坦承並非瘦身不瘦胸的人，亦認為演員僅應該對角色作出身體變化，而非以貪靚為大前提：「我係一個演員，並不是美容KOL，亦唔係偶像派，我嘅身形只會服務角色，如果角色需要，先會特登去增肌或者減脂；如果套劇冇特別要求我keep身形，只要體重喺合理範圍內、唔影響我塑造角色呈現出嚟嘅形象，肥與瘦對我嚟講唔係好重要。」她續指平日有做運動習慣，並認為演員定期訓練身體，對於接觸不同角色會有幫助。
前晚另一焦點，當然是朱善美Rachel（張曦雯飾）為了挽回萬森同情分，Rachel不惜買醉兼淋雨玩濕身，再度使出「心機女」招數！Rachel身穿白色恤衫並透出內裡的白色bra，大玩濕身誘惑，更向萬森撒嬌賣慘！
張曦雯激罕濕身透bra演出
張曦雯透露，拍攝該場戲份，事前確有飲酒以便進入狀態，實行「假戲真做」：「賣醉仲要夾硬出去淋雨，呢個都係朱善美嘅必殺技。拍攝時鏡頭係由頭pan到落腳，雖然只得短短兩秒，外面亦有件衫唔係最性感，但我好少演seduce（誘惑人）嘅情節，對我嚟講係有少少尷尬，所以嗰場戲有飲酒壯膽，因為善美嗰個狀況係醉醉地，我飲酒都好make sense，可以畀到個feel。」
李君妍成「七彩小背心」繼承人
至於上周登場的Kimchi（李君妍飾）除了晒好身手，李君妍還繼承了劉穎鏇於《隱形戰隊》中的「七彩小背心」傳說，以不同款式背心亮相，前晚（18日）Kimchi其中一個造型，是身穿吊帶背心配搭紅色短裙，與傾慕的長勝撐枱腳，更360度環迴轉圈展示悉心打扮的造型，結果引起餐廳男食客舉機拍照。 |
您可能有興趣:
|
搜尋新聞
