【本報記者報道】房屋署署長羅淑佩是MIRROR成員陳卓賢（Ian）的忠粉，過往多次被發現出席不同活動撐場聽歌，成為佳話。羅淑佩接受香港恒生大學傳播學院《恒傳感言》訪問，親揭追星之謎。她坦言掌管房屋政策壓力大，減壓方法之一是聽演唱會，她大讚Ian除了唱功了得，而且安全駕駛，帶給社會正面訊息，是一個榜樣。
羅淑佩說，公營房屋涉及幾百萬居民，要做的事情是很多，慶幸自己是在公屋長大，有些事情不用重新學，加上這個職位可以改善他人生活，她忙得來亦很開心。談及減壓方法，除了自己喜歡吃東西和煮東西外，另一個是得閒會去睇演唱會。
羅：唔明點解唔話俾人聽
要數到羅淑佩最為人熟知的減壓方法，就是閒時去看演唱會，身為Hellosss（陳卓賢Ian的粉絲暱稱）的她說，不理解為何現在好像不可以道出自己喜愛的歌手，「我媽咪嗰輩，如果鍾意陳寶珠、蕭芳芳、任劍輝、白雪仙，係人都知我係邊一個嘅迷，我成長嘅時候，譚詠麟、張國榮、陳百強或者Beyond，我鍾意佢哋又係人都知㗎。」
羅淑佩慨嘆，道出自己喜歡Ian後備受關注，「點解到我而家幾廿歲，我鍾意Ian（陳卓賢），點解講出嚟好似第一發現新大陸，第二好似『咁奇怪嘅』，好似我呢啲年紀，做我呢啲工嘅人，好似原來唔係好應該鍾意一個比較年輕嘅香港歌手，係咁㗎咩？」她又透露，原來年輕時喜歡另一名情歌王子，「我後生鍾意譚詠麟，到而家佢全部碟我都齊晒，我覺得好自然啫。」
自爆兒時喜歡譚詠麟
至於自揭喜歡lan，是在電台節目受訪時透露，「我覺得鍾意一個歌手，而家我講小朋友啦，我都幾十歲，都係有啲嘢覺得佢獨特，欣賞佢先會講出嚟，我覺得年輕偶像或明星，除咗歌唱得好，聲色藝之外，要有正面訊息同榜樣畀社會。」
她介紹大家聽Ian《地球上的最後一朵花》勉勵年輕人，「裏面講嘅內容，就算地球得最後一朵花，都依然有生命力可以成長，只要有第一朵花，就有第二朵花，喺香港唔會有孤花，年輕人覺得冇乜人了解，唔緊要，有信念可以生根生長，一樣可以有花粉傳開去。」 |
您可能有興趣:
|
搜尋新聞
