秦煌仍然留院。

【本報記者報道】現年76歲的秦煌縱有四名子女，但仔女緣淺，他老來獨居無依，獨自租住青衣一間酒店房間。他日前在房內跌倒，無法站起下，最後由酒店職員協助送院，現在瑪嘉烈醫院留醫。秦煌休息過後接受傳媒電話訪問，指跌倒是因不夠血，隻腳無力。問及仔女有否探訪？他稱：「有聯絡！」至於是否有現身探望則語焉不詳。

體重200磅的秦煌年前因跌倒需要坐輪椅出入，令生活上難以自理，平日靠鄰居、藝人林偉及監製好友關永忠幫助。秦煌昨天仍然需要留院，他說：「醫生話我唔夠血，所以隻腳冇力，我都知自己唔夠血，成日頭暈，好少落街。原本唔想來醫院，依家要等皮外傷好轉，才可以出院。」

想攞嘢食 但腳軟行唔到埋去

秦煌曾說坐輪椅出入並不方便，故很少落樓食飯。除叫外賣，還偶爾靠住得近的林偉照應，幫忙入糧。問他近日是否自理困難，搞到食不夠而無氣力？秦煌說︰「夠嘅，只係行唔到埋去攞嘢食，因為腳軟。」

入院第二日，問他是否已聯絡仔女？他說︰「聯絡咗！」但再問及子女有否到醫院探望，秦煌說︰「未！」當秦煌晚上回覆其他傳媒時稱子女已前往探望，還說︰「梗係開心，傾吓屋企嘢。」

林偉說：「中午時候醫院打畀我，話因為未搵到佢啲親人，所以叫我幫秦煌買尿片，不過之後聯唔聯絡到就唔知。」林偉公開向秦煌的子女呼籲︰「希望佢啲仔女見到呢個報道，去醫院探望爸爸，因為好多嘢都需要家屬決定，我不能夠幫他作主。」

林偉代買尿片 古天樂曾贈輪椅

林偉曾替秦煌找演藝人協會主席古天樂求助，希望贊助一部電動輪椅給秦煌使用，當提出後，古天樂即叫秘書火速安排，數日後已收到一部全新的電動輪椅，可惜秦煌不懂操作，最後要求換回手動。

秦煌早前受訪時剖白與四子女親情淡薄的原因︰「我計錯數，我有三個女一個仔，我以為供給晒佢哋物質上嘅嘢，就叫做一個好爸爸…」他既自責，亦怕與子女修補關係徒然，故拒絕嘗試。