2025年 02月 11日
星期二
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

郭柏妍化身恐怖情人威脅殉情 鄭俊弘首演植物人眼都冇得眨
發佈日期 : 2024-04-12

鄭俊弘七情上面。
鄭俊弘首度挑戰演植物人,眼都冇得眨。
Rosita諗住殺死Fred,之後再自殺。
Rosita諗住殺死Fred,之後再自殺。
鄭俊弘七情上面。
鄭俊弘首度挑戰演植物人,眼都冇得眨。

【本報記者報道】無綫《逆天奇案2》剛播完單元故事「廢屋枯骨案」,案件最終驚揭是一宗橫跨30年的愛情悲劇,劇情反轉再反轉,觀眾看得大呼過癮!本單元的男女主角是郭柏妍(Rosita)及鄭俊弘(Fred飾)俱有突破的演出,前者扮恐佈情人,後者則首度扮演植物人。

教授冠峰(方力申飾)利用「腦波儀」讓家強「說出」三十年前真相,原來珊珊當年對家強愛得不能自拔,並相約他在村屋殉情,惟家強貪生怕死不欲共赴黃泉,珊珊即持刀自插心口自殺以圖永遠留在家強心中:「你唔肯跟我一齊走,我要留喺你心入面,我要你記我一世!」家強跑出屋外求助期間意外被汽車撞到變成植物人,珊珊的屍體亦因此沒被人發現!案件最終驚揭是一宗橫跨30年的愛情悲劇,實在令人意想不到。

鄭俊弘因一事竟然嗌舒服

Fred受訪時透露,今次是首度扮演植物人,事前還做了不少功課做準備:「有上網做資料搜集,研究角色係因咩事而變植物人,因為有啲植物人係可以郁到對眼,但我個個案係對眼郁唔到嘅,眼又眨唔到、又表達唔到自己嘅情緒,劇情係講小方訪問我時,我係有好多哀愁情緒,但係表達唔到出嚟,呢一點係最難。」

Fred笑說,拍攝過程其實蠻舒服:「拍攝時又唔使全日都瞓喺度,一Cut機就可以郁,唔辛苦之餘仲幾舒服,又有冷氣歎同有床瞓!」談到劇中化老妝,Fred說:「個妝兩個鐘內完成,都覺得幾得意,原來我老咗係咁嘅樣。」Fred又大讚劇中「情人」Rosita是一個用心和勤力的新進演員。

Rosita的演出同樣搶眼,是次她搣甩純純兔形象化身恐怖情人,拿着生果刀威脅Fred殉情的樣子甚是嚇人,與平時斯斯文文的她判若兩人。Rosita受訪時說,今次角色很有挑戰性:「第一次演呢類型嘅角色,雖然出現集數唔係好多,但呢個角色有一個好圓滿嘅成長過程,覺得好好玩、好有挑戰性,多謝導演同製作組畀咗好多空間我去做得更加好。」

講到劇中殉情戲,Rosita坦言心情難受:「呢場戲內心好壓抑,拍完之後都覺得好唔開心,希望觀眾都能夠感受到我嘅嗰種無力感!」

您可能有興趣:

1
梁朝偉自爆做監製開戲 不預劉嘉玲怕太熟做戲感覺怪

2
《ViuTV 2025節目巡禮》 謝君豪首監製劇集《光明大押》 讚呂爵安說話淡定咬字清晰

3
蒙嘉慧展久休復 出現幸福肥 孖保錡拍節目遊福岡

4
MIRROR比拼 江????生被讚廚藝了得 姜濤自認最食得 愛吃兄弟煮食物

5
余香凝與丈夫東京遊行後分房瞓 廖子妤怕新人上位快 未敢結婚

6
三虎澳門重聚 鬼馬合照 劉德華演唱會瘋到底 黃日華苗僑偉等投入跳唱

7
ViuTV新劇《出租大叔》下周一首播 何嘉莉廿年冇拍劇 首日開工要鬧交

8
新一季《直播靈接觸》10.21首播 梁思浩型爆「地獄使者」?

9
張頴康兌現與太太浪漫歐遊承諾

10
無綫直播國慶煙花匯演 吸引170萬觀眾踞榜首

11
《法證6》收視創佳績 袁偉豪請劇組食飯 傅嘉莉借戲服拓商機

12
蘇韻姿被批易講錯嘢 不合娛圈發展

13
爆老公唱歌 囝囝無反應 江若琳:佢把聲比較沉

14
陳倩揚時隔3年再演戲興奮 多倫多開拍 演譚耀文前妻

15
容祖兒澳門演唱會尾場淚灑舞台 預告明年底香港開騷


首頁