藝人傅嘉莉(Kelly)於年初三夥拍安德尊(大王)、余詩霆、余德丞與吳偉豪等赴澳門拍攝花車巡遊特備節目,Kelly數年前曾在該處狂贏3萬6,被友人戲稱女中豪傑,今勻亦趁空檔玩老虎機袋800元新年財,旺爆狗年。
入賭場碰碰運氣
Kelly並非喜歡賭博,剛巧是次隨隊拍攝,才抽空入賭場碰運氣:「數年前首次喺澳門賭錢玩百家樂,其中一個好友做咗明燈買咩輸咩,於是其他人就睇住佢點買嚟賭,我都一樣,佢哋多數贏小小就算,我就無即刻收手,結果贏最多,有3萬6千,佢哋仲話我係女中豪傑,當年第一次賭,有Beginner Luck,今次再嚟澳門拍嘢,行程好緊密,只可以餵下老虎,點知都贏到800,真開心,是個好開始 。」
難忘訪問大人物
Kelly第一次擔任主持,拍住大王介紹澳門,表現未見騰雞,她解釋:「大王咁有經驗,佢都有帶住我,令我無咁易食螺絲。最難忘係做澳門旅遊局局長文綺華訪問,會有小小緊張,估唔到首次做主持就要訪問大人物。(有冇同佢????利是?)梗係有,大王咁旺,收到佢嘅利是都會旺足一年。」Kelly拍攝期間不時被途人認出,並相邀合照,她亦有求必應,非常親民。