鍾晴、林秀怡、程美段及洛兒行泳衣騷，大騷惹火身材

林秀怡剛度過27歲生日，自嘲「老人行騷」。

鍾晴全程披紗巾行騷。

鍾晴、林秀怡、程美段及洛兒行泳衣騷，大騷惹火身材

林秀怡剛度過27歲生日，自嘲「老人行騷」。

藝人林秀怡、鍾晴、程美段及洛兒昨日在荃灣出席泳衣騷，四位女神青春可人，以其不同個性特質配搭多款吸睛泳裝，大騷青春魅力及驕人身段，令在場觀眾熱血沸騰。

男友有微言

出名慳家孝順的網民女神林秀怡，自劇集《婚姻合伙人》中的性感浴缸大戰而火速走紅，剛度過27歲生日的她獻出入行以來的「第一次」，難怪自嘲「老人行騷」：「今次我節食咗一日，特登戒澱粉質，我仲同男友講話陣間要食番餐勁嘅，佢就話節食咗一日咋喎。男友都有話嚟支持，但唔知暱埋喺邊。」她又坦言男友對自己「性感演出」頗有微言，又表示為了還媽媽手術的債項，所以不過份的工作都會接，她說：「今日已算性感底線。（經濟壓力鬆咗？）唔知，因為工作時多時少。」

鍾晴披紗巾

鍾晴受訪時透露自己剛從關島旅行返港，肥了又皮膚敏感，並指對自己條腰較為滿意。她表示：「夏天出海享受陽光已經係一大享受，今日見好多款泳衣都好靚，一陣可以買多幾套。」她又指全程披紗巾是不習慣好似穿底褲仔亮相人前。
擁有天使面孔及32E魔鬼身材的程美段，但原來也曾經有穿泳衣的煩惱：「如果件泳衣cutting唔好，就會令上圍豐滿嘅女仔着上身睇落好肥，所以我揀泳衣一定要有個好嘅cutting，令胸型更靚。」